မြန်မာနိုင်ငံ အနောက်ဘက်ရှိ ဘင်္ဂလားဒေ့ရှ် နိုင်ငံတွင် နေထိုင်နေသော ရခိုင်လူမျိုးများအတွက် ဘင်္ဂလားဒေ့ရှ် နယ်ခြားစောင့် တပ်များက လုံခြုံရေး ယူပေးထားကြောင်း စုံစမ်းသိရှိရသည်။
အဓိကရုဏ်းများ ဖြစ်ပွားမှုကြောင့် မြန်မာအစိုးရက အရေးပေါ် အခြေနေထုတ်ပြန်ထားရသည့် ရခိုင်ပြည်နယ် မောင်တော မြို့နှင့် ထိစပ်လျှက်ရှိသော ဘင်္ဂလားဒေ့ရ်ှနိုင်ငံ ကော့စ်ဘာဇား ခရိုင် တက္ကနာ မြို့ထဲမှ ရခိုင်ကျေးရွာများကို ဘင်္ဂလားဒေ့ရှ် နယ်ခြားစောင့်တပ် (BGB) က ယခုလ ၈ ရက်နေ့မှ စတင်ကာ လုံခြုံရေးယူပေးထားကြောင်း ယင်းဒေသတွင် နေထိုင်သော မြန်မာ နိုင်ငံသားများက ဆိုသည်။
“မောင်တောဘက်မှာ ဖြစ်တဲ့နေ့ ကတည်းကစပြီး ဒီဘင်္ဂလားဒေ့ရှ် နယ်စပ် နတ်မြစ် တစ်လျှောက် တက္ကနာ မြို့နယ် အတွင်းမှာ ရှိတဲ့ ရခိုင်ရွာတွေကို BGB တပ်တွေချထားပြီး လုံခြုံရေးယူထားတယ်။ အဲဒီရခိုင်ရွာက လူငယ်တွေကလည်း အလှည့်ကျ အနေနဲ့ ကင်းစောင့် နေကြတယ်” ဟု ဘင်္ဂလားဒေ့ရ်ှနိုင်ငံ ဒါကာမြို့တွင် နေထိုင်သူ သတင်းထောက် တဦးက ဧရာဝတီသို့ ပြောသည်။
ဘင်္ဂလားဒေ့ရှ် နယ်စပ်တွင် လုံခြုံရေး အဓိက ယူပေးထားရသည့် ရခိုင်ရွာများဖြစ်သော တက္ကနာ၊ မြစ်နားရွာ၊ ခြံခြောင်းရွာများ အပါအဝင် ရခိုင်ရွာ ၁၀ ရွာထက်မကရှိနေပြီး လူဦးရေ အနည်းဆုံး ၂၀၀၀ ကျော်နေထိုင်ကြောင်း သိရသည်။ အများစုမှာ ဘင်္ဂလားဒေ့ရှ် နိုင်ငံသား မှတ်ပုံတင် ရှိသူများဖြစ်သည်။
ထိုရွာများတွင် ယခင်က ဘာသာရေး၊ လူမျိုးရေးကြောင့် သတ်ဖြတ်မှု တချို့ရှိခဲ့ကြောင်း၊ မြန်မာနိုင်ငံဘက် မောင်တော မြို့နယ်တွင် အဓိကရုဏ်းများ ဖြစ်နေချိန် ၎င်းတို့ထံ ကူးစက်လာမည်ကို စိုးရိမ်နေကြသော်လည်း ယနေ့ထိ ဘေးကင်းစွာ နေနိုင်ဆဲဖြစ်ကြောင်း ဘင်္ဂလားဒေ့ရှ် နယ်စပ်ရှိ မြန်မာနိုင်ငံသားများကပြောသည်။
“ဒီဘက်ကိုတော့ ကူးစက်မလာဘူး။ ဘင်္ဂလားဒေ့ရှ် အစိုးရကလည်း ကူးစက်မလာအောင် လုံခြုံရေး လုပ်ပေးထားတဲ့ သဘောပေါ့လေ။ ဒီဘက်မှာတော့ အခြေအနေ အေးအေးဆေးဆေးပါ” ဟု ကော့ဘာဇားမြို့တွင် နေထိုင်သည့် မြန်မာတဦးက ဆိုသည်။
ယခုလ ၈ ရက်နေ့က ရခိုင်ပြည်နယ် မောင်တော မြို့ပေါ်တွင် ဘင်္ဂါလီတို့က ဒေသခံ ရခိုင်နှင့် တခြား တိုင်းရင်းသားတို့ နေထိုင်သော အိမ်နှင့် အဆောက်အဦးများကို ဖျက်ဆီးခဲ့ပြီး သတ်ဖြတ်မှုတချို့ ရှိခဲ့သည်။ ထိုအခြေအနေများ ကူးစက်မှုမဖြစ် စေရန် ယင်းနေ့ ညနေပိုင်းတွင်ပင် ဘင်္ဂလားဒေ့ရှ် အစိုးရက နယ်စပ်ရှိ ဘာသာရေးအဖွဲ့ခေါင်းဆောင်များနှင့် ညှိနှိုင်းကာ ရခိုင်ကျေးရွာများ အနီး လုံခြုံရေး ချထားခဲ့ခြင်းဖြစ်သည်။
မြန်မာနိုင်ငံဘက်တွင် အဓိကရုဏ်းဖြစ်ပွားမှုကြောင့် ဆက်သွယ်ရေးလမ်းကြောင်းများ ပြတ်တောက်ပြီးနောက် ယနေ့မနက်ပိုင်း တွင် ဘင်္ဂလားဒေ့ရှ် နယ်စပ် အာဏာပိုင်များက တက္ကနာရှိ နှစ်နိုင်ငံ ကုန်သွယ်ရေး ဂိတ်ကို ယာယီ ပိတ်ထားလိုက်ပြီဖြစ်သည်။
ထို့အတူ နယ်စပ်တလျှောက် တက္ကနာမြို့နယ်၊ လေးဒန်းကျေးရွာ၊ ဦးကီယာမြို့နယ် ကူတူပါလန် တို့တွင်ရှိသော တရားမဝင် ရိုဟင်ဂျာ ဒုက္ခသည် စခန်းများ၊ ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) လက်အောက်ရှိ တက္ကနာမြို့နယ် နော်ယာပါရာနှင့် ဦးကီယာ မြို့နယ်၊ ကူတူပါလန် ဒုက္ခသည် စခန်းများကို ဘင်္ဂလားဒေ့ရှ် ရဲများက လုံခြုံရေး တိုးမြှင့် ချထားလိုက်ကြောင်း သိရသည်။
“လောလောဆယ်တော့ အန္တရာယ်ပေးမယ့် အနေအထားတွေ မရှိဘူး။ ဒါပေမယ့် လူတွေကတော့ ကြောက်နေကြတာပေါ့နော်။ UNHCR ကတော့ အရေးပေါ် တခုခုဖြစ်ရင် ဆက်သွယ်ဖို့ သက်ဆိုင်ရာ ဒေသအာဏာပိုင် ဖုန်းနံပတ်တွေ လိုက်ဝေထားတယ်” ဟု ကော့ဘာဇားမြို့ပေါ်တွင် နေထိုင်သူက ပြောသည်။
မြန်မာနိုင်ငံဘက်ခြမ်း မောင်တောမြို့နှင့် နတ်မြစ် တစ်လျှောက်တွင် နယ်စပ်ဒေသ လူဝင်မှု စစ်ဆေးရေးနှင့် ကွက်ကဲမှုဌာန (နစက) တပ်ဖွဲ့ဝင်များနှင့် လုံထိန်းအဖွဲ့များက လုံခြုံရေးယူထားသည်ကို တွေ့မြင်ရကြောင်းနှင့် ယနေ့မနက်ပိုင်းတွင် မြို့ပေါ်ရှိ ဗိုလ်မှူးကျေးရွာတွင် မီးရှို့မှု ထပ်ဆင့်ဖြစ်ပွားခဲ့သေးကြောင်း မောင်းတော ဒေသခံများထံမှ စုံစမ်းသိရှိရသည်။
ဇွန်လ ၈ ရက်နေ့က မောင်တောမြို့နယ်အတွင်း အဓိကရုဏ်းများကြောင့် ညမထွက်ရ အမိန့် ပုဒ်မ ၁၄၄ ထုတ်ပြန်ထား သော်လည်း စစ်တွေနှင့် တခြားမြို့များအထိပါ ပြန့်နှံ့ခဲ့ရာ ဒေသခံပြည်သူလူထု လုံခြုံရေးနှင့် တည်ငြိမ်အေးချမ်းစွာ နေထိုင်နိုင်ရေး အတွက် ယမန်နေ့တွင် ရခိုင်ပြည်နယ်အတွင်း အရေးပေါ်အဆင့် ကြေညာချက်ကို နိုင်ငံတော်သမ္မတက ထုတ်ပြန်လိုက်သည်။
အကြမ်းဖက်တိုက်ခိုက်မှုများ ကျယ်ပြန့်လာသဖြင့် ရပ်ရွာကို အကာအကွယ်ပေးရန် ရှိရာ တုတ်၊ ဓား ဆွဲ၍ထွက်လာကြသူများ (ဓာတ်ပုံ- Reuters)
ဒေါက်တာအေးမောင်နဲ့ စကားပြောဖြစ်တယ်။ သူပြောတာက စစ်တွေမှာ မနေ့ညကလည်း တော်တော်အခြေအနေဆိုးနေတယ်၊ ဒီနေ့လည်းအခြေအနေမကောင်းဘူး၊ ကာဖျူးထုတ်ဖို့ တောင်းဆိုထားတယ်။ နေရာ ၅ နေရာလောက်မှာ ထိပ်တိုက်ရင်ဆိုင်မှုရှိနေတယ်။
လုံထိန်းအင်အားနည်းပါးတယ်၊ တိုးချပေးဖို့ တောင်းဆိုထားတယ်။ မောင်းတောကနေ ဘူးသီးတောင်ကို ပြေးလာတဲ့ ရခိုင်စစ်ပြေးတွေများနေပြီ။ ဘင်္ဂါလီတွေက ကိုယ့်အိမ် ကိုယ် မီးရှို့ ဖျက်ဆီးနေတယ်လို့ သတင်းတွေရနေတယ်။
ဒီအဖြစ်အပျက်ကို နောက်ကွယ်က ကြိုးကိုင်သူတွေလည်း ရှိတယ်လို့ သူက ထင်တယ်။
အစိုးရဘက်က၊ အထူးသဖြင့် နယ်စပ်ရေးရာဝန်ကြီးဌာန လက်အောက်ခံ (နစက) ကို ကိုင်တွယ်တဲ့ နစက ဦးစီးမှူး ဗိုလ်မှူးချုပ်အောင်ကြီးမှာ တာဝန်ရှိတယ်လို့ မြင်တယ်။ မောင်းတောမှာ ဆူပူမှုလုပ်တုန်းက အခြေအနေကို ချက်ခြင်း နိုင်နိုင်နင်းနင်း ကိုင်တွယ်နိုင်ရဲ့သားနဲ့ မီးရှို့တာကို နစကရယ် ရဲရယ်က ကြည့်နေတယ်။ အဲဒီတော့ ပိုဆိုးလာတယ်။ ဗိုလ်မှူးချုပ် အောင်ကြီးက မောင်းတော မူဆလင် စီးပွားရေးသမားတွေနဲ့ အလုပ်လုပ်ကိုင်နေတယ်။ အဲဒါကြောင့် ကိုင်တွယ်မှု လျော့ရဲခဲ့တယ်လို့ မြင်တယ်။
နောက်တချက် စစ်တွေမှာ ဈေးကောက်ကိစ္စ ဆန္ဒပြတော့ သေနတ်နဲ့ ပစ်ခတ်နှိမ်နင်းတယ်။ အခုလို အရေးအခင်းမျိုးကျတော့ လျှော့ပေးထားတယ်။ ဒါကြောင့် ဦးသိန်းစိန် အစိုးရသစ်ကို သိက္ခာကျအောင်၊ အကျပ်အတည်းတွေ့အောင် လုပ်ချင်သူတွေ ရှိတယ်လို့ သုံးသပ်တယ်။
နောက်တချက်က နိုင်ငံတကာမှာရှိတဲ့ ရိုဟင်ဂျာလှုပ်ရှားမှုနဲ့ ဆက်စပ်နေတယ်။
လာမယ့် ဒေါ်အောင်ဆန်းစုကြည်ရဲ့ ဥရောပ ခရီးစဉ်မှာ ရိုဟင်ဂျာအရေးကို ကမ္ဘာက အာရုံစိုက်အောင် လုပ်နေတယ်။ ဒါမှ နိုင်ငံတကာမှာ ရိုဟင်ဂျာကိစ္စပိုသိသွားမယ်။ ဒေါ်အောင်ဆန်းစုကြည်ကို သတင်းထောက်တွေ၊ ကမ္ဘာ့ခါင်းဆောင်တွေက မေးခွန်းတွေမေးမယ်။ အဲဒီမှာ ရိုဟင်ဂျာကိစ္စ ဒေါ်အောင်ဆန်းစုကြည် အဖြေမတတ်ရင် ကွဲမယ်။
ရိုဟင်ဂျာဟာ မြန်မာနိုင်ငံမှာ မှီတင်းနေသူတွေလို့ ဖြေရင် ရခိုင်တိုင်းရင်းသားနဲ့ အမျိုးသားဒီမိုကရေစီ အဖွဲ့ချုပ် (NLD) ရန်တိုက်ပေးရာလည်း ရောက်မယ်။ နောက် ပြည်နယ်လည်း တောင်းလာနိုင်မယ်၊ ဒေါ်အောင်ဆန်းစုကြည် အရှိန်အဝါကို သုံးလာနိုင်တယ်လို့ သူက သုံးသပ်တယ်။
အခုဆို RSO လို့ ခေါ်တဲ့ ရိုဟင်ဂျာ လက်နက်ကိုင် တွေပါ ပါလာပြီလို့ ဆိုတယ်။ ရခိုင်တိုင်းမှူး ဗိုလ်ချုပ် ၀င်းမြင့်လက်ထက် ၂၀၀၄ ခုနှစ်က လက်နက် အပြည်အစုံနဲ့ ၀င်လာတဲ့ ရိုဟင်ဂျာတွေကို စစ်ဆင်ရေးလုပ်ဖူးတယ်။ ဒီပြဿနာက ၁၉၄၂ ခုနှစ် အင်္ဂလိပ် မြန်မာပြည်က အဆုတ်မှာ စတင်ဖြစ်ပွားခဲ့ပြီး ရခိုင်ပညာတတ် ICS ဦးဦး ကျော်ခိုင်သေဆုံးခဲ့ရတယ်။
လွတ်လပ်ရေးရပြီး ၁၉၄၉ မှာ မူဂျာဟစ်လှုပ်ရှားမှုကြောင့် ဗမာ့သေနတ်ကိုင်တပ်ရင်း ၅ က နှိမ်နင်းခဲ့ရတယ်။
ယခုတပတ်အတွင်း ဖြန့်ချိခဲ့သည့် ဂျာနယ်များတွင် ရခိုင်ပြည်နယ် အရေးကိစ္စများ ပါဝင်သဖြင့် ရောင်းအား မြင့်တက်ခဲ့သည် (ဓာတ်ပုံ - ဧရာဝတီ)
ပြည်တွင်းအခြေစိုက် သတင်းမီဒီယာများ အနေဖြင့် ရခိုင်ပြည်နယ် ပဋိပက္ခသတင်းများ ရေးသားရာတွင် ဆူပူမှု ဖြစ်ပွားစေရန် လှုံ့ဆော်သည့် အရေးအသားများပါရှိပါက ထောင်ဒဏ် ၉ နှစ်အထိ ချမှတ်အရေးယူနိုင်ကြောင်း ရန်ကုန်တိုင်း ဝန်ကြီးချုပ် ဦးမြင့်ဆွေက သတိပေးလိုက်သည်။
ဇွန်လ ၁၀ ရက်နေ့ ည ၇ နာရီက ရန်ကုန်အစိုးရအဖွဲ့ရုံးတွင် သတင်းမီဒီယာအားလုံးကို ခေါ်ယူသတိ ပေးလိုက်ခြင်းဖြစ်ပြီး ယင်းပွဲကို “ရခိုင်ကိစ္စ သတင်းစာရှင်းလင်းပွဲ” ဟု ခေါင်းစဉ်တပ်ထားသည်။
အဆိုပါ ရှင်းလင်းပွဲတွင် ဦးမြင့်ဆွေက ရခိုင်ပြည်နယ်အတွင်း ဖြစ်ပွားလျက်ရှိသော သတင်းများကို ရေးသားဖော်ပြရာတွင် တည်ငြိမ်အေးချမ်းမှု ပျက်ပြားစေရန် လှုံ့ဆော်သည့် အရေးအသားများ မပါရှိစေရေး သတိထားရန်နှင့် ဆူပူမှု ဖြစ်ပွားစေရန် လှုံ့ဆော်သည့် ရေးသားမှုများ ပါရှိပါက ဥပဒေပုဒ်မ ၅ (ည)၊ ပုဒ်မ ၅၀၅ (ခ) အရ ထောင်ဒဏ် ၉ နှစ်အထိ ချမှတ် အရေးယူနိုင် သည်ဟု ဆိုသည်။
“သတင်းမီဒီယာတွေရဲ့ လက်ဦးရလိုမှုကြောင့် သတင်းတွေကို ပြိုင်ဆိုင်ဖော်ကြရာမှာ ပိုပြီးတော့ မတည်မငြိမ် မှုတွေ ဖြစ်လာတယ်။ အခုအချိန်က တိုင်းပြည်အတွက် အရေးကြီးတဲ့ အချိန်ဖြစ်တယ်။ ရေးသားတဲ့ အခါမှာလည်း ကိုယ့်ဂျာနယ် ရောင်းရဖို့ တိုင်းပြည် ဘာဖြစ်ဖြစ်၊ လူမျိုးဘာဖြစ်ဖြစ် ရေးကြသားကြ တာတွေရှိတယ်။ ဒါတွေက တိုင်းပြည် မငြိမ်မသက် ဖြစ်သွားနိုင်တယ်” ဟု ၀န်ကြီးချုပ်ဦးမြင့်ဆွေက ပြောသည်။
လက်ရှိမီဒီယာများသည် အဓိကရုဏ်းများ ဖြစ်ပွားနိုင်အောင် လှုံ့ဆော်ရေးသား နေသည်ဟု ပြောဆိုပြီး မီးလောင်ရာ လေပင့် လုပ်ဆောင်သည်ကို တွေ့ရကြောင်း၊ ဖွဲ့စည်းပုံအခြေခံ ဥပဒေတွင် လွတ်လပ်စွာ ထုတ်ဖော်ရေးသားခွင့် ပြဋ္ဌာန်းထား သော်လည်း တရားဥပဒေစိုးမိုးရေး၊ ရပ်ရွာအေးချမ်းရေးနှင့် အချုပ်အခြာအာဏာ တည်တံ့ခိုင်မြဲရေးကို မထိခိုက်ရဟု
ပြဋ္ဌာန်းထားကြောင်း၊ ထို့ကြောင့် ဥပဒေမလိုက်နာ သော သတင်းမီဒီယာများကို အရေးယူရမည် ဖြစ်ကြောင်း ၎င်းက ရှင်းပြသည်။
“ပြန်ကြားရေးအပိုင်းက စာပေဆိုင်ရာ အချက်တွေ ချိုးဖောက်လို့ အရေးယူတာရှိသလို အုပ်ချုပ်မှုပိုင်းဆိုင်ရာ၊ ပြစ်မှုပိုင်း ဆိုင်ရာနဲ့ ပတ်သက်ပြီးတော့ အရေးယူသင့်တာ ယူရမှာ ဖြစ်ပါတယ်။ ကြိုတင် ပြောတာဖြစ်ပါတယ်” ဟု ၀န်ကြီးချုပ်က ဆိုသည်။
သတင်းမီဒီယာအပေါ် အရေးယူမည့် တည်ဆဲဥပဒေများမှာ ပုဒ်မ ၅ (ည) ဖြစ်ပြီး ထောင်ဒဏ် ၇ နှစ်အထိ ပြစ်ဒဏ်နှင့် ငွေဒဏ် ထောင်ဒဏ်များ ချမှတ်နိုင်ကြောင်း၊ ယင်းအပြင် ပုဒ်မ ၅၀၅ (ခ) အရလည်း ဆူပူမှုဖြစ်အောင် လှုံ့ဆော်မှုအတွက် ထောင်ဒဏ် ၂ နှစ်အထိ ချမှတ်နိုင်ကြောင်း ၎င်းက ရှင်းလင်းသည်။
ပြန်ကြားရေး ၀န်ကြီးဌာန ဒုတိယ ညွှန်ကြားရေးမှူးချုပ် ဦးတင့်ဆွေကလည်း သတင်းများအားလုံး စာပေစိစစ်ရေး၏ စိစစ်ဖြတ်တောက်မှု အောက်တွင်သာ ဖော်ပြရမည်ဖြစ်ပြီး စာပေစိစစ်ရေးကို တင်ပြခြင်းမရှိဘဲ ဖော်ပြလျှင် ၁၉၆၂
စိစစ်ရေးဥပဒေနှင့် အရေးယူမည် ဖြစ်ကြောင်း ပြောသည်။
“သတင်းတွေအားလုံး စာပေစိစစ်နဲ့မှတ်ပုံတင်ဌာနကို မပျက်မကွက် တင်ပြပြီး ခွင့်ပြုချက်အတိုင်းပဲ ဖော်ပြရမယ်။ အဲဒါမှ ဥပဒေကို လိုက်နာတယ်လို့ မှတ်ယူရပါမယ်။ ၁၉၆၂ ဥပဒေက မဖျက်ရသေးဘူး။ အဲဒီဥပဒေအတိုင်း အရေးယူမယ်” ဟု ဦးတင့်ဆွေက ဆိုသည်။
ပြည်သူ့ခေတ် ဂျာနယ်၏ အယ်ဒီတာချုပ် ဦးဖေမြင့်က ၀န်ကြီးချုပ်သည် ရခိုင် သတင်းစာရှင်းလင်းပွဲဟု ခေါ်ယူ ပြောဆိုပြီး သတင်းမီဒီယာများကို ခေါ်ယူကြိမ်းမောင်းခြင်း ဖြစ်ကြောင်း၊ ကျင့်ဝတ်နှင့်အညီ မဖော်ပြသော ဂျာနယ်ကို သီးခြား ခေါ်ယူမပြောဆိုဘဲ ဂျာနယ်အားလုံးကို ဝါးလုံးရှည်ဖြင့် သိမ်းကျုံး သတိပေးသည်ဟု ခံစားရကြောင်း ထုတ်ဖော် ပြောကြားသည်။
“မေးခွင့်လည်းမရှိဘူး။ ပြောချင်ရာပြောပြီး ပြန်သွားတယ်။ အဲဒါတော့ ကျနော်တို့ စိတ်မကောင်းဘူး” ဟု ဦးဖေမြင့်က ပြောသည်။
စာပေ စိစစ်ရေးဌာနမှ တာဝန်ရှိသူတဦးကမူ လျှပ်တစ်ပြက်ဂျာနယ်က အစ္စလမ် ဘာသာဝင်များနှင့် မြန်မာများအကြား ဆူပူမှု ဖြစ်ပွားစေနိုင် လောက်သော သတင်းနှင့်ဓာတ်ပုံများ ထည့်သွင်းဖော်ပြခဲ့ခြင်းကြောင့် ယခုကဲ့သို့ ဂျာနယ်များ အားလုံးကို အစိုးရက ခေါ်ယူသတိပေးခြင်းဖြစ်သည်ဟု ဆိုသည်။
စာပေစိစစ်ရေး အနေနှင့် သတင်းဂျာနယ်အများစုက စိစစ်ရေးမတင်တော့ဘဲ လုပ်ကိုင်ဆောင်ရွက်နေမှုများ အပေါ် မချင့်မရဲဖြစ်ကာ လျှပ်တစ်ပြက်ဂျာနယ်၏ အမှားမှ စာနယ်ဇင်းအားလုံးကို ပြန်လည်ထိန်းချုပ်လာခြင်း ဖြစ်နိုင်ကြောင်း
ပြည်တွင်း သတင်းသမားများက သုံးသပ်သည်။
“မီဒီယာ တော်တော်များများ ကျင့်ဝတ်နဲ့အညီ ထိန်းကြတယ်။ စုန်းပြူးတော့ ရှိတာပေါ့။ အဲဒီစုန်းပြူးကို အရေးမယူဘဲ အားလုံးကို တပြေးညီ သတ်မှတ်ပြီး ပြန်ထိန်းချုပ်တာပဲ။ စာပေစိစစ်ရေး ကိုယ်တိုင်ပြောနေတဲ့ ဇွန်လကုန်ဆိုရင် စာပေစိစစ်ရေး ဖျက်ပြီဆိုတာက အခုပုံစံ အတိုင်းဆိုရင်တော့ မဖြစ်နိုင်တော့ဘူး” ဟု ပြည်တွင်းသတင်းထောက် တဦးက ဆိုသည်။
ရခိုင်ပြည်နယ် အရေးကိစ္စကြောင့် ပြည်တွင်းဈေးကွက်တွင် သတင်းဂျာနယ်အများစု လက်မလည်အောင် ရောင်းချ နေရသည်ဟု ဖြန့်ချိရေးသတင်းရပ်ကွက်အတွင်းမှ စုံစမ်းသိရှိရသည်။
အလားတူ ရခိုင်ပြည်နယ် ကိစ္စ ဖြစ်ပျက်ပြီး နောက်ပိုင်း ပြည်တွင်းနေ မြန်မာများသည် အင်တာနက်ပေါ်မှ သတင်းများကို စိတ်ဝင်စားမှု ပိုမိုများပြားလာကြောင်းလည်း ကြားသိရသည်။
သတင်းဂျာနယ်တချို့သည် လူထုအကြား ထုတ်ဝေဖြန့်ချိသည့် စာမျက်နှာများပေါ်တွင် ကျင့်ဝတ်နှင့်အညီ ဖော်ပြ ကြသော်လည်း ၎င်းတို့၏ ကိုယ်ပိုင် အင်တာနက် စာမျက်နှာများပေါ်တွင်မူ ကျင့်ဝတ်နှင့်အညီ ဖော်ပြခြင်းမရှိဘဲ ဆူပူမှုကို လှုံ့ဆော်သည့် အရေးအသားများ မြင်တွေ့နေရကြောင်း ဝေဖန်မှုများလည်း ရှိသည်။
ယမန်နေ့ညက သတင်းစာရှင်းလင်းပွဲသို့ လာရောက်သည့် အယ်ဒီတာတဦးက “အင်တာနက်က မီးလိုပဲ၊ သုံးတတ်ရင်ဆေး၊ မသုံးတတ်ရင် ဘေးဖြစ်မယ်။ မီဒီယာတွေ အင်တာနက်ပေါ်မှာ သတင်းဖြန့်တာ တအားမြန်လာတယ်။ မြန်တာ ကောင်းပေမယ့် ရေးတဲ့သားတဲ့ နေရာမှာ ထိန်းချုပ်သင့်တယ်” ဟု ပြောသည်။
ဇွန် ၈ ရက် မောင်တောတွင် ဆူပူသူများနှင့် လုံခြုံရေးတပ်ဖွဲ့များ ထိပ်တိုက် ရင်ဆိုင်နေစဉ် (ဓာတ်ပုံ - မှူးဇော်၏ Facebook)
အကြမ်းဖက် တိုက်ခိုက်မှု ဖြစ်ပွားခဲ့သည့် ရခိုင်ပြည်နယ် မောင်တောမြို့နယ်သို့ ယနေ့ ရောက်ရှိလာသည့် ကာကွယ်ရေး ဝန်ကြီး ဒု-ဗိုလ်ချုပ်ကြီး လှမင်းက နယ်မြေလုံခြုံရေး တပ်မတော်က ကာကွယ်ပေးထားပြီဖြစ်၍ ပူပန်စရာ မလိုတော့ကြောင်း ဒေသခံ တိုင်းရင်းသားများကို ကတိပေးပြောဆို သွားသည်။
ယမန်နေ့က ဆူပူအကြမ်းဖက်သူများက မောင်တော မြို့ပေါ်နှင့် မြို့နယ်အတွင်းရှိ ရခိုင်နှင့် အခြားတိုင်းရင်းသားများ၏ ကျေးရွာ ၂၀ ခန့်နှင့် မြို့ပေါ်ရှိအဆောက်အဦးအချို့ မီးရှို့ဖျက်ဆီးခြင်းခံခဲ့ရပြီး မြို့ခံရဲများက တားဆီးနေသည့်ကြားမှ ရခိုင်နှင့် အခြားတိုင်းရင်းသား ၅ ဦးထက်မက သတ်ဖြတ်ခြင်း ခံခဲ့ကြရသည်။
မွတ်ဆလင် အများစုနေထိုင်သော ယင်းဒေသတွင် လူနည်းစုဖြစ်သော တိုင်းရင်းသားများမှာ အိုးအိမ်ပျက်ဆီးမှု၊ အသက်အန္တရာယ် စိုးရွံ့မှုများကြောင့် မြို့ပေါ်ရှိ ဗုဒ္ဓဘာသာ ဘုန်းကြီးကျောင်းများ၊ စာသင်ကျောင်းနှင့် အစိုးရ အဆောက်အဦး တို့တွင် ခိုလှုံနေကြပြီး ထိုဒုက္ခသည်များကို ဒူ-ဗိုလ်ချုပ်ကြီးလှမင်းဦးဆောင်သော အစိုးရအဖွဲ့ဝင်များက ယနေ့ လာရောက်တွေ့ဆုံ အားပေးခဲ့ကြောင်း သိရသည်။
“လုံခြုံရေးတွေကို အကောင်းဆုံး ဖြစ်အောင် ဆောင်ရွက်ပေးမယ်။ နောက်ထပ် ဒီလိုမျိုး မဖြစ်အောင်လို့ လုံထိန်းအင်အား၊ တပ်အင်အားတွေကို မြှင့်တင်ပေးမယ်ပေါ့။ ဒီလူတွေ အတွက်လည်း မပူနဲ့ စားစရာ သောက်စရာတွေလည်း ပေးမယ်လို့ ဗိုလ်ချုပ်လှမင်းက ပြောသွားတယ်” ဟု မောင်တောရှိ အလိုတော်ပြည့်ကျောင်း ဆရာတော် တပါးက ဧရာဝတီသို့ မိန့်ကြားသည်။
ဆရာတော်က ထပ်ပြီး “ကြောက်လန့်နေတဲ့လူတွေကိုလည်း အားပေးတယ်။ မီးလောင်ဆုံးရှုံးသွားတဲ့အိမ်တွေ ပြန်စရာမရှိလို့ လောလောဆယ် ဘုန်းကြီး ကျောင်းမှာ ခေတ္တခဏ နေထိုင်ပြီးတော့ အတတ်နိုင်ဆုံး အကောင်းဆုံးဖြစ်အောင် အိမ်တွေဆောက် ပေးမယ် ပြောတယ်” ဟု ဆက်ပြောသည်။
အကြမ်းဖက်သူများ ဝင်ရောက်တိုက်ခိုက်စဉ် အနီးအနားရှိ တောတောင်များအတွင်း ထွက်ပြေးပုန်းရှောင်ခဲ့ကြသော ဒေသခံ တိုင်းရင်းသားများကို အစိုးရတပ်များမှ ဦဆောင်ကာ လိုက်လံ ကယ်ဆယ်လျက်ရှိပြီး မြို့ပေါ်ရှိ အလိုတော်ပြည့်ကျောင်း၊ ဗဟိုကျောင်းနှင့် အောင်မြေဗောဓိကျောင်း အပါအဝင် စာသင်ကျောင်းနှင့် အစိုးရ အဆောက်အဦး အချို့တွင် ကယ်ဆယ်ထားပြီး အလိုတော်ပြည့် ကျောင်းတခု တည်းတွင်ပင် ၄၀၀ ကျော်ရှိနေသည်။
အဆိုပါကယ်ဆယ်ရေးစခန်းများသို့ ကာကွယ်ရေးဝန်ကြီးနှင့်အတူ ကယ်ဆယ်ရေးနှင့် ပြန်လည်နေရာချထားရေး ဒုတိယ ဝန်ကြီး ဦးဘုန်းဆွေ၊ ရခိုင်ပြည်နယ်ဝန်ကြီးချုပ် ဦးလှမောင်တင်၊ အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ကိုကိုနိုင်တို့ လာရောက်ပြီး အားပေးနှစ်သိမ့်ခဲ့ကြကြောင်း ဒုက္ခသည်များက ပြောသည်။
ကြောက်လန့်ပြီး ထွက်ပြေးနေသော တိုင်းရင်းသားများကို ရှာဖွေကယ်ဆယ်ရန်နှင့် ကယ်ဆယ် ထားသူများကို ပြန်လည်နေရာချထားရေးများ လုပ်ဆောင်ရန်အတွက် နေပြည်တော်က ညွှန်ကြားမှုဖြင့် နယ်စပ်ဒေသ လူဝင်မှု စစ်ဆေးရေးနှင့် ကွပ်ကဲမှု ဌာနချုပ် မှ ဗိုလ်မှူးကြီးအောင်ကြီးကို တာဝန်ပေးအပ်ထားကြောင်းသိရသည်။
ထို့အတူ တည်ငြိမ်အေးချမ်းရေး၊ ကယ်ဆယ်ရေးနှင့် ပြန်လည်ထူထောင်ရေး ဆိုင်ရာ ကြီးကြပ်ရေးအဖွဲ့ ကို ဗိုလ်မှူးကြီး အောင်ကြီး ဦးဆောင်သော ၇ ဦးအဖွဲ့ကို ဖွဲ့စည်းတာဝန်ပေးအပ်လိုက်ကြောင်း ယနေ့မွန်းလွဲပိုင်းတွင် ထုတ်ပြန်လိုက်သော နိုင်ငံတော် သမ္မတရုံး၏ ထုတ်ပြန်ချက်ကလည်း ဆိုသည်။
“ဦးဇင်းတို့ မြို့ပေါ်မှာလည်း စစ်တပ်က လုံခြုံရေးယူထားပေးပါတယ်။ နောက် နယ်တွေဘက်မှာရော၊ မီးရှို့ဖျက်ဆီးခံရတဲ့ ရွာတွေဘက်မှာရော ဘာမှမဖြစ်သေးတဲ့နေရာတွေမှာရော အကုန် လုံခြုံရေးယူပေးထားတယ်။ အခြေအနေတွေကတော့ ငြိမ်သက်သွားပြီဆိုပေမယ့် လူတွေက သွေးလန့်နေကြတယ်” ဟု အလိုတော်ပြည့်ကျောင်း ဆရာတော်က မိန့်ကြားသည်။
ယမန်နေ့မွန်းလွဲပိုင်းမှ စပြီး ယနေ့နံနက် ၅ နာရီထိ မောင်းတောမြို့နယ်အတွင်း ရခိုင်နှင့် အခြား တိုင်းရင်း သားများ နေထိုင်သည့် အိုးအိမ်နှင့် လုပ်ငန်းများကို အကြမ်းဖက်သူများက ဖျက်ဆီးခဲ့ကြရာတွင် ကျေးရွာ ၁၇ ရွာ လုံးဝပြာကျပျက်စီးခဲ့ပြီး တချို့ရွာများလည်း မီးရှို့ခံခဲ့ရသေးသည်။
ရွာလုံးကျွတ်မီးရှို့ အကြမ်းဖက်ခံခဲ့ရသော ကျေးရွာခံများ အလိုတော်ပြည့်ကျောင်းကို ရောက်ရှိပြီး ဒဏ်ရာများနှင့် မောင်တောဆေးရုံမပို့ဆောင်မီ ဧရာဝတီက ဆက်သွယ်မေးမြန်းခွင့်ရခဲ့သည်။
“ကျမတို့ကလည်း အစက အစိုးရလုံခြုံရေး လာမယ်ဆိုပြီးစောင့်နေပါတယ်။ ဘာမှ မလုပ်ဘူး အထင်နဲ့နေခဲ့တာ သူတို့က အုပ်စုလိုက်ကြီး ဝင်လာပြီး ကျမတို့ကို ဝိုင်းပြီး ခုတ်တာ တရွာလုံးကို၊ ဘုန်းကြီးကျောင်းက စပြီး တရွာလုံးမီးရှို့တယ်။ ပြေးတဲ့လူတွေကို နောက်ကလိုက်ပြီးဓားနဲ့ခုတ်ပါတယ်။ ကျောင်းဆရာ တယောက်နဲ့ သုံးယောက်ပွဲချင်းပြီး ဆုံးသွားပါတယ်” ဟု ဒဏ်ရာများရရှိနေသော ရခိုင်အမျိုးသမီး တဦးက ပြောသည်။
၎င်းကိုယ်တိုင် လက်နှင့် ပုခုံးများတွင် ဒဏ်ရာများရရှိခဲ့ပြီး ဖခင်ဖြစ်သူလည်း ချိန်းကြိုးဖြင့် ရိုက်ခံထားရသဖြင့် ဆေးရုံတင်လိုက်ရသည်။ အကြမ်းဖက်သူများသည် နယ်မြေခံများသာမက မျက်နှာစိမ်း လူများကိုပါတွေ့ရကြောင်း ထိုသူများက အတင်းဝင်ရောက်၍ ပစ္စည်းများလုယက်ခြင်း အသက်ရန်ရှာခြင်းများ ပြုလုပ်ကြောင်း သူကဆက်ပြောသည်။
ပုန်းအောင်းနေရာမှ လွတ်မြောက်လာသည့် အခြား အမျိုးသမီးတဦးကလည်း “ကျမတို့က တောထဲမှာ ကုလားတွေ ရှာမတွေ့အောင်ပုန်းနေရတာ၊ သူတို့ကတွေ့ရင် သတ်မှာ၊ ဒီမနက် မီးလောင်တဲ့နေရာတွေမှာ စစ်တပ်တွေရောက်လာတာ နေရာယူတာတွေတော့ အားရှိသွားတယ်။ အဲဒါနဲ့ တောထဲကနေ ပြေးထွက်ပြီးတော့ အကူအညီ တောင်းတယ်။ တပ်က ကျမတို့ တဖွဲ့လုံးကို ကယ်လာတာ” ဟု ဧရာဝတီသို့ ပြောသည်။
လတ်တလော အစိုးရက နယ်မြေအေးချမ်းလုံခြုံရေးအတွက် ညမထွက်ရအမိန့် ပုဒ်မ ၁၄၄ ကိုထုတ်ပြန်ထားသည်။ အစိုးရတပ်များ နေရာအနှံ့ လုံခြုံရေးယူပေးထားသည်ကို တွေ့ရပြီး အကြမ်းဖက်သူများ ထပ်မံထွက်လာခြင်းကို မတွေ့ရဟု ဒေသခံများကပြောသည်။
မတည်မငြိမ်ဖြစ်နေသော မောင်တောမြို့တွင် မြို့ခံ ရခိုင်များအပါအဝင် တခြား တိုင်းရင်းသားများနှင့်အတူ အစိုးရရုံးဝန်ထမ်းများ၊ လူမှုကူညီရေးအသင်းအဖွဲ့များ၊ NGO အဖွဲ့များသည် မောင်တောမြို့ပေါ်ရှိ ဘုန်းကြီးကျောင်းများတွင် သွားရောက်ခိုလှုံနေရကြောင်း၊ မြန်မာအစိုးရက လုံခြုံရေးတာဝန် ယူ ဆောင်ရွက်ပေးနေသော်လည်း မောင်တောမြို့၏ မြို့စွန်နေရာများတွင် နေထိုင်သော အနည်းစု မြန်မာတိုင်း ရင်းသားများမှာလည်း လုံခြုံရေးစိုးရိမ်နေရကြောင်း သိရှိရသည်။
စစ်တွေမြို့တွင် နေအိမ်များ မီးလောင်ကျွမ်းနေသည်ကို ဇွန် ၁၀ ရက်နေ့က မြင်တွေ့ရစဉ် (ဓာတ်ပုံ - Reuters)
ရခိုင်ပြည်နယ် အတွင်း ဖြစ်ပွားနေသည့် ပဋိပက္ခများကြောင့် ဒေသတွင်း ဆက်သွယ်သွားလာနိုင်သည့် လမ်းကြောင်းများ အားလုံး ပိတ်ထားပြီ ဖြစ်ကြောင်း သိရသည်။
ရခိုင်ဒေသတွင်း ပြေးဆွဲနေသည့် ရေလမ်း၊ ကုန်းလမ်း ခရီးစဉ်များ အားလုံးနီးပါးကို ယမန်နေ့က စတင်၍ ရပ်တန့်ထားခြင်းဖြစ်
ကြောင်း၊ သို့သော် မည်သည့်အတွက် ပိတ်ထားသည် ဆိုကြောင်းကို ပြည်သူများထံ အသိပေးမှု မရှိသေးကြောင်း ရခိုင်ဒေသခံ များက ပြောသည်။
ကျောက်ဖြူ – တောင်ကုတ်၊ တောင်ကုတ် – ရမ်းဗြဲ – ကျောက်နီမော်၊ တောင်ကုတ် – သံတွဲ စသည့် လမ်းကြောင်းများနှင့် ကျောက်ဖြူ – ရန်ကုန် မော်တော်ကား လမ်းကြောင်းကိုပါ ပိတ်ထားပြီး မည်သည့် အချိန်အထိ ပိတ်ထားမည် ဆိုသည်ကို အတိအကျ မသိရသေးပေ။
“တောင်ကုတ်မြို့ကနေ ရခိုင်ပြည်တွင်း ဆွဲနေတဲ့ ကုန်းလမ်း၊ ရေလမ်း အကုန်ပိတ်ထားတယ်၊ ရုတ်တရက် ပိတ်လိုက်တော့ ကုန်ပစ္စည်းတွေ အရောင်းအ၀ယ် မလုပ်ရတော့ဘူး၊ လုံခြုံရေး တော့ ပုံမှန်ပါပဲ” ဟု တောင်ကုတ်မြို့ခံ အမျိုးသမီး တဦးက ပြော သည်။
ရခိုင်ဒေသတွင်း ဖြစ်ပွားနေသည့် ပဋိပက္ခများနှင့်ပတ်သက်၍ မောင်တော၊ ဘူးသီးတောင်၊ စစ်တွေ၊ ကျောက်ဖြူ၊ ရမ်းဗြဲ၊ သံတွဲ စသည့် မြို့များ၌ ညမထွက်ရ အမိန့်များ ထုတ်ပြန်ထား သကဲ့သို့ အရေးပေါ် အခြေအနေ တရပ်ကို သမ္မတ ဦးသိန်းစိန်က ယမန်နေ့တွင် ကြေညာခဲ့သည်။ ပုဒ်မ ၁၄၄ နှင့် လုံလောက်ခြင်း မရှိသဖြင့် တပ်မတော်၏ အကူအညီကို ယူရမည်၊ ထိုထုတ်ပြန်ချက်သည် နောက်ထပ် ထုတ်ပြန်ခြင်း မရှိသေး သရွေ့ အတည်ဖြစ်စေရမည်ဟု သမ္မတက ကြေညာထားသည်။
ညမထွက်ရ အမိန့်ထုတ်ပြန်ထားသည့် အတွက် ဒေသခံ ပြည်သူများ လုံခြုံစိတ်ချစွာ ညအိပ်နိုင်ပြီ ဖြစ်ကြောင်း၊ ဆက်သွယ်ရေး လမ်းကြောင်းများကိုမူ အချိန်ဆွဲ ကန့်သတ် မထားစေလိုကြောင်း ကျောက်ဖြူမြို့ခံ ပြည်သူ့လွှတ်တော် ကိုယ်စားလှယ် ဦးဘရှိန် က ပြောသည်။
“ညမထွက်ရ အမိန့်ကြောင့် စိတ်ချ လက်ချ အိပ်နိုင်ကြတာတော့ အမှန်ပဲ။ ဒါပေမယ့် ဆက်သွယ်ရေး လမ်းကြောင်းတွေ အကြာကြီး ပိတ်ထားမယ်ဆိုရင် ကိုယ့်ဒေသခံ တိုင်းရင်းသားလူမျိုးတွေ စားဝတ်နေရေး ကြပ်တည်း ခက်ခဲသွားနိုင်တယ်” ဟု ၎င်းက ဆိုသည်။
ရန်ကုန်မှ ရခိုင်ပြည်နယ်၏ နေရာဒေသ အသီးသီးသို့ ပြေးဆွဲနေသည့် မော်တော်ယဉ်လိုင်း အသီးသီးတို့ကို ၅ ရက်မှ သီတင်း ပတ် တပတ်ခန့်အထိ ပိတ်ထားမည်ဟု သိရသည်။ ရန်ကုန် – ရခိုင် ဆက်သွယ်ရေး လမ်းကြောင်းများ ပြတ်တောက်သွားသည့် အပြင် ရခိုင်ဒေသတွင်း တနေရာမှ တနေရာသို့ ခရီးသွားလာမှု လမ်းကြောင်းများ အားလုံးကိုလည်း ပိတ်ထားသည်။
ရန်ကုန် မှ စစ်တွေ၊ ကျောက်ဖြူ၊ တောင်ကုတ်၊ သံတွဲ စသည့် မြို့များအကြား ခရီးသည်တင် မော်တော်ယာဉ်များ၊ ကုန်ပစ္စည်း တင်ဆောင်သည့် ယာဉ်များ နေ့စဉ် ပြေးဆွဲလျက်ရှိပြီး လမ်းပန်းဆက်သွယ်ရေး ပြတ်တောက်မှုကြောင့် ရခိုင်ဒေသ၌
ကုန်ဈေးနှုန်း ကြီးမြင့်လာမည်ကို စိုးရိမ်ကြောင်း ရခိုင်ဒေသခံများက ပြောသည်။
ရခိုင်ဒေသ တခုလုံးအား ညမထွက်ရအမိန့်နှင့် အရေးပေါ် အခြေအနေများ ထုတ်ပြန်ထားသော်လည်း မောင်တော၊ စစ်တွေ မြို့တို့တွင် နေအိမ်တချို့ မီးရှို့ခံရခြင်းနှင့် ဆူပူလှုပ်ရှားမှုများ ယနေ့အထိ ဖြစ်ပေါ်နေသည်။
မောင်တောမြို့တွင် ဖြစ်ပွားနေသည့် ပဋိပက္ခများနှင့် ပတ်သက်၍ မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်ဒေသများတွင် လုံခြုံ ရေး တင်းကျပ်ထားကြောင်း သိရသည်။
လက်နက်ကိုင် အကြမ်းဖက် အုပ်စုတစုသည် လက်နက်များနှင့် အတူ မြန်မာနိုင်ငံ ဘက်သို့ ၀င်ရောက် လာနေကြသည် ဆိုသည့် သတင်းများ ထွက်ပေါ်နေသော်လည်း အတည်မပြေုနိုင် သေးပေ။
ယမန်နေ့ ညပိုင်းက ရခိုင်ပြည်နယ် ပဋိပက္ခနှင့် ပတ်သက်ပြီး မိန့်ခွန်းပြောနေသော သမ္မတ ဦးသိန်းစိန်(ဓာတ်ပုံ - သမ္မတရုံး ၀က်ဘ်ဆိုက်)
သမ္မတ ဦးသိန်းစိန်က ဇွန်လ ၁၀ ရက် ညမှ စတင်၍ ရခိုင်ပြည်နယ်ကို အရေးပေါ် အခြေအနေ ကြေညာလိုက် သည့် အပေါ် နိုင်ငံရေး အင်အားစုများက ထောက်ခံကြကြောင်း သတင်းရရှိသည်။
“တိုင်းပြည်အတွက် အရေးပေါ် အခြေအနေ လိုအပ်လာပြီဆိုရင်တော့ ဒါဟာ မလွှဲမရှောင်သာ လုပ်ကြရမှာပဲ။ အရပ်ဘက် အဖွဲ့
အစည်းတွေက ထိန်းချုပ်လို့ မရတော့ဘူး၊ နိုင်ငံသားတွေရဲ့ အသက်အုိုးအိမ် စည်းစိမ် ထိခိုက်လာပြီဆိုရင်တော့ စစ်တပ်အုပ်ချုပ် ရေး မလွှဲသာ မရှောင်သာ ၀င်လာရတော့မှာပဲလေ။ ဒါပေမယ့် စစ်အုပ်ချုပ်ရေးကို ကျနော်တို့ မလိုလားဘူး၊ ဒါကိုလည်း ကွဲကွဲပြားပြား ဖြစ်စေချင်တယ်”ဟု ၈၈ မျိုးဆက်ကျောင်းသား အဖွဲ့မှ ကိုကိုကြီး က ဧရာဝတီကို ပြောသည်။
ပြည်သူ့ဘ၀ အသက် အိုးအိမ် စည်းစိမ် လုံခြုံရေးကို လုံခြုံရေးဆိုင်ရာ အဖွဲ့အစည်းများကသာ တာဝန်ယူရခြင်း မဟုတ်ဘဲ နိုင်ငံရေး အဖွဲ့အစည်းများ၊ လူမှုရေးနှင့် အရပ်ဘက်အဖွဲ့အစည်းများကလည်း တတ်နိုင်သလောက် ၀ိုင်းပြီးထိန်းသိမ်း နေကြကြောင်း၊ ထို့ကြောင့် မကြာမီတွင် ပုံမှန်အခြေအနေ ပြန်ရောက်လိမ့်မည်ဟု မျှော်လင့်ကြောင်း သူက ဆက်ပြောသည်။
အရပ်သား အစိုးရ ပြောင်းပြီး နောက်ပိုင်း အရေးပေါ်အခြေအနေ ကြေညာခြင်းသည် ပထမဆုံး အကြိမ်လည်း ဖြစ်သည်။
ဦးသိန်းစိန်က ရခိုင်ပြည်နယ်အတွင်း မတည်ငြိမ်မှုများ၊ အကြမ်းဖက်မှုများ ပိုမိုကျယ်ပြန့်လာပြီး ပုဒ်မ ၁၄၄ အမိန့်ထုတ်ကာ ထိန်း သိမ်းသော်လည်း ဆောင်ရွက်မရတော့သည့်အတွက် ဥပဒေကဲ့သို့ အာဏာတည်သော အမိန့်အမှတ် ၁/၂၀၁၂ ဖြင့် အရေးပေါ် အခြေအနေ ကြေညာလိုက်ပြီး တပ်မတော်၏ အကူအညီကို ရယူဆောင်ရွက်မည်ဟု ဆိုသည်။
အမျိုးသား ဒီမိုကရေစီအဖွဲ့ချုပ်(NLD) ပါတီခေါင်းဆောင် ဦးတင်ဦးက“အရေးပေါ်အခြေအနေ ကြေညာရတဲ့ အထိ ဆိုတာကတော့ မလိုလား အပ်ဘူးပေါ့၊ သို့သော်လည်း အခြေအနေ အရပ်ရပ်အရ တာဝန်ရှိတဲ့ သမ္မတလို ပုဂ္ဂိုလ်မျိုးက မြန်မြန် အေးချမ်းမှု ရအောင် အတွက် ဒီလိုပဲ နောက်ဆုံး သုံးလိုက်ရတာပေါ့”ဟု ဧရာဝတီကို ပြောသည်။
အခြေအနေ တဖြည်းဖြည်း ပိုမိုဆိုးဝါးလာသည်ကို အကြောင်းပြု ဖြစ်ပေါ်လာခြင်းဖြစ်ကြောင်း၊ အမြန်ဆုံးလုပ်ရမည့် ကိစ္စသည် တရား ဥပဒေစိုးမိုးရေးနှင့် ဒေသတည်ငြိမ်ရေး လုပ်ဆောင်ရန်လိုကြောင်း၊ ထို့ကြောင့် ယခုကဲ့သို့အချိန်တွင် စည်းလုံးညီညွတ်စွာဖြင့် အားလုံး ၀ိုင်းဝန်း လုပ်ကိုင်သင့်ကြောင်း သူက ဆက်ပြောသည်။
အမျိုးသား ဒီမိုကရေစီ အင်အားစုပါတီ(NDF) ခေါင်းဆောင်တဦးဖြစ်သူ ဦးခင်မောင်ဆွေကလည်း“နိုင်ငံတည်ဆောက်မှုကို သွားနေ တဲ့အချိန်မျိုးမှာ အားလုံး ၀ိုင်းဝန်းကူညီဖြေရှင်းတာ အကောင်းဆုံးလို့ ထင်ပါတယ်။ နိုင်ငံရေး ပါတီတွေရဲ့အကူအညီကို ယူပြီး သွားမယ်ဆိုရင် အကောင်းဆုံးဖြစ်လာမယ်လို့ ထင်ပါတယ်”ဟု ဆိုသည်။
ယခု ဥပဒေနှင့် ဖြေရှင်းရမည့် ကိစ္စကို အချိန်မီ မထိန်းသိမ်းနိုင်၍ ကျယ်ပြန့်သွားသည့်ကိစ္စ ဖြစ်ကြောင်း၊ လူမျိုးရေး၊ ဘာသာရေး ကိစ္စ မဟုတ်ကြောင်း၊ အရေးပေါ် အခြေအနေ အမိန့်သုံး၍ ယာယီငြိမ်သက်သွားရန်လုပ်သည်ထက် နောက်ဆက်တွဲ ဆက်လက်မဖြစ် ပေါ်ရန် အားလုံး စနစ်တကျ ပူးပေါင်းဆောင်ရွက်ရန် လိုကြောင်းလည်း သူက ဆက်ပြောသည်။
ယမန်နေ့ညကလည်း သမ္မတ ဦးသိန်းစိန်က ရခိုင်ပြည်နယ်ကိစ္စနှင့်ပတ်သက်၍ ရုပ်မြင်သံကြားမှ မိန့်ခွန်း ပြောကြား ခဲ့သေးသည်။
“ဒီလို လူမျိုးစွဲ၊ဘာသာစွဲတွေကို ရှေ့တန်းတင်ပြီး မဆုံးနိုင်တဲ့ မုန်းတီးမှုတွေ၊ လက်စားချေလိုမှုတွေနဲ့ မင်းမဲ့စရိုက်တွေ ကို ရှေ့တန်းတင်လျက် တဘက်နဲ့တဘက်အပြန်အလှန် အကြမ်းဖက် သတ်ဖြတ်နေကြမယ်ဆိုရင် ရခိုင်ပြည်နယ်တွင်သာမကပိုမို ကျယ် ပြန့် ဖြစ်ပွားလာစေနိုင်တဲ့ အန္တရာယ်ရှိပါတယ်”ဟု သမ္မတ ဦးသိန်းစိန်က ဆိုသည်။
ရခိုင်ပြည်နယ် ကျောက်နီမော် ဒေသ၌ ရခိုင်အမျိုးသမီးငယ်တဦးအား မတရားပြုကျင့် သတ်ဖြတ်မှုမှ စတင်၍ မငြိမ်မသက်မှု များ ဆက်တိုက်ဖြစ်ပွားလာခဲ့ရပြီး ရခိုင်ပြည်နယ်တွင်း မြို့နယ် ၆ မြို့နယ်ကို နေ၀င်မီးငြိမ်း၊ ညမထွက်ရ အမိန့် ပုဒ်မ ၁၄၄ ထုတ်ပြန် ထိန်းသိမ်း ခဲ့ရသည်။
လူ့ အခွင့်အရေး လှုပ်ရှားသူ ချင်း အမျိုးသမီး မချယ်ရီဇာဟောင်း က “အရေးပေါ်အုပ်ချုပ်ရေး ထုတ်ပြန်လိုက်တာဟာ နိုင်ငံရေး မတည်မငြိမ်ဖြစ်မှု ၊ လူမှုရေး မတည်မငြိမ်ဖြစ်မှုကို ဒါဟာ သက်သေပြလိုက်တာပဲလေ။ ကောင်းတဲ့ လက္ခဏာတော့ မဟုတ်ဘူး။ ဒါပေမယ့် အခုလောလောဆယ်မှာ လိုအပ်တယ်တော့ ကျမထင်တာပဲ”ဟု ဆိုသည်။
အနာဂတ်အတွက် အလားတူ ကိစ္စမျိုး မဖြစ်ရန်အတွက် မြန်မာနိုင်ငံ၏ လူဝင်မှု ကြီးကြပ်ရေး ဥပဒေကို ကောင်းမွန်စေရန် ပြင်ဆင် သင့်ကြောင်း၊ သတိထားသင့်သည့် အချက်မှာ တခြား တိုင်းရင်းသား ဒေသများတွင်လည်း ပုံသဏ္ဍန်အားဖြင့် ကွဲပြားသော ပဋိပက္ခများ ရှိနေခဲ့သည်မှာ နှစ်ပေါင်း များစွာ ကြာပြီဖြစ်ကြောင်း၊ နောက်နောင် ယခုကဲ့သို့ မဖြစ်ပေါ်စေရန် ပို၍ သတိထားသင့်ကြောင်း လည်း သူက ဆက်ပြောသည်။
၂၀၀၈ ဖွဲ့စည်းပုံအခြေခံဥပဒေ အခန်း(၁၁) ပုဒ်မ ၄၁၀ ၌ တိုင်းဒေသကြီး၊ ပြည်နယ်၊ ပြည်ထောင်စု နယ်မြေ၊ ကိုယ်ပိုင် အုပ်ချုပ်ခွင့် ရ စီရင်စု စသည့် နယ်မြေတခုခုတွင် အုပ်ချုပ်ရေးလုပ်ငန်းများကို ဖွဲ့စည်းပုံ အခြေခံ ဥပဒေပါ ပြဌာန်းချက်များနှင့်အညီ ဆောင်ရွက် နိုင်စွမ်း မရှိကြောင်း သိရှိလျှင်သော်လည်းကောင်း၊ သက်ဆိုင်ရာ ဒေသအာဏာပိုင်အဖွဲ့အစည်းက တင်ပြလျှင်သော် လည်းကောင်း၊ နိုင်ငံတော် သမ္မတ သည် အမျိုးသားကာကွယ်ရေးနှင့်လုံခြုံရေးကောင်စီ နှင့် ညှိနှိုင်းပြီး ဥပဒေကဲ့သို့ အာဏာ တည် သည့် အမိန့် ထုတ်ပြန်၍ အရေးပေါ် အခြေအနေ ကြေညာနိုင်ကြောင်း ပြဌာန်းထားသည်။
ကျွန်တော်တို့က လူတွေပါဗျာ
တိရိစ္ဆာန်တွေတောင် ကမ္ဘာ့ရန်သူတွေ ဘယ်လောက်ဘဲဖြစ်ဖြစ်၊
သမိုင်းရဲ့နာကျည်းမှုတွေ ဘယ်လောက်ဘဲကြီးကြီး၊
အာဃာတတွေ ဘယ်လောက်ထားထား၊
အမုန်းတရားတွေ ဘယ်လောက်ဘဲရှိရှိ၊
ဗြဟ္မစိုရ်တရားရှိမှ မြင်တွေ့ရတဲ့ မြင်ကွင်းလေးတွေက ငြိမ်းချမ်းမှုကိုရစေတယ်လေ။
သူတို့က တိရစ္ဆာန်တွေပါ။ အခု … ကျွန်တော်တို့က လူတွေပါဗျာ။
ဒါကြောင့် . . . လူဆိုတာ ဗြဟ္မစိုရ်တရားလေးပါးလက်ကိုင်ထားမှ ငြိမ်းချမ်းရေးကိုရမယ်။
ငြိမ်းချမ်းရေးကိုရမှ တိုင်းပြည်အေးချမ်းမယ်။
တိုင်းပြည်အေးချမ်းမှ မြို့နယ်အေးချမ်းမယ်။
မြို့နယ်အေးချမ်းမှ ရပ်ကွက်အေးချမ်းမယ်။
ရပ်ကွက်အေးချမ်းမှ မိသားစုအေးချမ်းမယ်။
မိသားစုအေးချမ်းမှ မိမိကိုယ်တိုင်အေးချမ်းမယ်။
ကျွန်တော်တို့က လူတွေပါဗျာ . . . . ။ ။
(ကျော်သူ)
17.8.2011, 09:00 AM
ပြည်ထောင်စုမြန်မာနိုင်ငံတော် သမ္မတဦးသိန်းစိန်အစိုးရအနေဖြင့် ကချင်ပြည်နယ်အတွင်း ဖြစ်ပွားနေသည့် တိုက်ပွဲများ ချက်ချင်းရပ်တန့် ပေးရန် ကချင်တိုင်းရင်းသားအဖွဲ့အစည်းများက ထိုင်းနိုင်ငံ၊ ဘန်ကောက်မြို့ရှိ မြန်မာသံရုံးရှေ့တွင် ယနေ့ ဆန္ဒပြတောင်းဆိုလိုက်သည်။
ထိုင်းနိုင်ငံရှိ ကချင်တိုင်းရင်းသားအဖွဲ့အစည်းများမှ အဖွဲ့ဝင်ပေါင်း ၄၀ကျော်က မြန်မာသံရုံးရှေ့တွင် ကချင်ပြည်နယ်အတွင်း ဖြစ်ပွားနေ သည့် ထိုးစစ်ဆင်တိုက်ခိုက်မှုများကို အလိုမရှိကြကြောင်း ယနေ့မနက် ၁၀နာရီခွဲမှစတင်ပြီး ၁၁နာရီခွဲအထိ ဆန္ဒပြခဲ့ကြခြင်းဖြစ်သည်။
ဆန္ဒပြမှုတွင် ပါဝင်ခဲ့သည့် ကချင်အမျိုးသမီးအဖွဲ့-ထိုင်းနိုင်ငံ(KWAT) တွဲဖက်တာဝန်ခံ ခေါင်ဆိုင်းပန်က “ကချင်စစ်ပွဲဟာ (အစိုးရက) ပြည် သူတွေကို အဓိက ပစ်မှတ်လုပ်ပြီးတော့မှ တိုက်နေတယ်။ ဒါကြောင့် ရပ်တန့်ဖို့ ကျမတို့ တောင်းဆိုတယ်။”ဟု ကေအိုင်စီသို့ ပြောသည်။
ဆက်လက်၍ ထိုင်းနိုင်ငံ အပါအ၀င် နိုင်ငံပေါင်း ၂၀ကျော်တွင် ရောက်ရှိနေသည့် ကချင်တိုင်းရင်းသား အဖွဲ့အစည်းပေါင်း ၆၀ကျော် စုပေါင်း ကာ ကချင်ပြည်နယ်တွင် ဖြစ်ပေါ်နေသော လူမှုဘေးဒုက္ခများ ချက်ချင်း ရပ်တန့်ပေးရန် တောင်းဆိုထားသည့်စာကိုလည်း သမ္မတ ဦးသိန်း စိန်ထံ မြန်မာသံရုံးမှတဆင့် ပေးပို့လိုက်ပြီဖြစ်ကြောင်းလည်း ခေါင်ဆိုင်းပန်က ရှင်းပြသည်။
ကချင်လွတ်မြောက်ရေးအဖွဲ့-KIA နှင့် မြန်မာအစိုးရတို့အကြား ၁၇နှစ်ကြာ အပစ်ခတ်ရပ်စဲပြီးနောက်ပိုင်း ၂၀၁၁ခုနှစ်၊ ဇွန်လမှစ၍ နှစ်ဖက် တိုက်ပွဲပြန်လည်ဖြစ်ပွားပြီး ယခုလတွင် တနှစ်ပြည့်တော့မည်ဖြစ်သော်လည်း တိုက်ခိုက်မှုနှင့် လူ့အခွင့်အရေးများ ဆက်လက် ဖြစ်ပွား လျှက်ရှိသောကြောင့် ရပ်တန့်ရန် လိုအပ်ပြီဖြစ်ကြောင်း ကချင်ကျောင်းသားများနှင့် လူငယ်အစည်းအရုံး (All Kachin Students and Youth Union)မှ ကိုနော်ဆန်းကလည်း ပြောသည်။
“ဒီတနှစ်အတောအတွင်းမှာ ရွာမီးရှို့ခံနေရတာတွေ၊ ဒုက္ခသည်တွေ၊ ကလေးငယ်တွေများစွာ ဒုက္ခရောက်ရပြီး အမျိုးသမီးတွေ အတင်းအ ဓမ္မ စော်ကားခံရတာတွေ၊ သတ်ဖြတ်ခံရတာတွေနဲ့ တိုက်ပွဲတွေအားလုံးရပ်တန့်ပေးဖို့ ကျနော်တို့အနေနဲ့ (မြန်မာအစိုးရကို) တင်ပြတောင်း ဆိုတယ်။”ဟု ပြောဆိုသည်။
ယနေ့ဆန္ဒပြတောင်းဆိုမှုကို ထိုင်းအစိုးရနှင့် တရားဝင် တိုင်ကြားထားပြီးမှသာ လုပ်ဆောင်ခဲ့ခြင်းဖြစ်သဖြင့် လုံခြုံရေးအရ လာရောက် ကြည့်ရှုခြင်းမှလွဲ၍ တားဆီးဟန့်တားခြင်း တစုံတရာမရှိကြောင်း သိရသည်။
အလားတူ ဆန္ဒပြတောင်းဆိုမှုမျိုးကို ဒိန်းမတ်၊ အင်္ဂလန်၊ အမေရိကန်၊ ဂျပန်နိုင်ငံမှ ကချင်အဖွဲ့အစည်းများကလည်း ပြုလုပ်ဖို့စီစဉ်နေကြ ကြောင်း ခေါင်ဆိုင်းပန်၏ ပြောစကားအရ သိရသည်။
KIA သည် ၁၉၉၄ခုနှစ်တွင် မြန်မာစစ်အစိုးရနှင့် အပစ်အခတ်ရပ်စဲရေး သဘောတူလက်မှတ်ထိုးခဲ့ပြီး ၂၀၀၈ခုနှစ် ဖွဲ့စည်းပုံနှင့်အညီ တက် လာသည့် သမ္မတဦးသိန်းစိန်အစိုးရလက်ထက်၌နိုင်ငံရေးတင်းမာမှု ရှိလာပြီး အပစ်အခတ်ရပ်စဲရေး ပျက်ပြယ်သွားကာ ၂၀၁၁ခုနှစ်၊ ဇွန်လ တွင် နှစ်ဖက်တိုက်ပွဲများ ပြန်လည်ဖြစ်ပွားခဲ့သည်။
ထိုင်းနိုင်ငံတောင်ပိုင်း ဆုံခရာခရိုင်အတွင်းရှိ အပြည်ပြည်ဆိုင်ရာ ပင်လယ်အစားအစာ ထုတ်လုပ်သည့် စက်ရုံတခုတွင် မြန်မာရွှေ့ပြောင်း အလုပ်သမားများအား ကမ္ဘောဒီးယား နိုင်ငံသား အလုပ်သမားများက ၀င်ရောက် ရိုက်နက်မှု ဖြစ်ပွားခဲ့သည်။
ဆုံခရာမြို့ရှိ ငါးသေတ္တာ စက်ရုံတွင် ကျန်းမာရေး မကောင်းသူများနှင့် နားရက်ရသည့် အလုပ်သမားများ အိပ်ဆောင်အတွင်း အနားယူနေစဉ် ယနေ့မွန်းလွဲပိုင်းအချိန်က ၀င်ရောက် ရိုက်နက်ခြင်း ဖြစ်သည်ဟု စက်ရုံလုပ်သား ကိုဝင်းဖေက အခုလို ပြောသည်။
“တွေ့တဲ့သူကို ရိုက်နက်၊ ဓါးနဲ့ ခုတ်ပြီး အဆောင်ထဲကို ၀င်စီးတာပေ့ါဗျာ။ အဲဒီမှာ မိန်းခလေးတွေရော၊ လူတွေရဲ့ အော်သံတွေ ကြားတော့ စက်ရုံထဲမှာ အလုပ်လုပ် နေတဲ့သူတွေ ပြေးထွက်လာတော့ ကျနော်တို့ မြန်မာပြည်သား တယောက်ကို ခုတ်ထားတာ ဗိုက်မှာ (၇) လက်မလောက် ပွင့်ထွက်သွားတယ်။”
ယမန်နေ့ နံနက် (၉) နာရီအချိန်ခန့်က ကမ္ဘောဒီးယား နိုင်ငံသား (၃) ဦးမှ ပုခက်အတွင်း အနားယူနေသည့် မြန်မာ အလုပ်သမား တယောက်အား အရက်မူးပြီး ပုလင်းနှင့် ရိုက်နက်ရာမှ ပြဿနာ စတင်ခဲ့ခြင်း ဖြစ်သည်။
ယင်းဖြစ်ရပ် နောက်ဆက်တွဲ ပြဿနာ ပေါ်ပေါက်မည်စိုး၍ မြန်မာအလုပ် သမားများ ယနေ့နံနက်က အလုပ်မဆင်းပဲ နေခဲ့သည်။ သို့သော် စက်ရုံ တာဝန်ရှိသူများက အာမခံချက် ပေးသည့်အတွက် အလုပ်ပြန်ဆင်းရာမှ ယခုကဲ့သို့ ဖြစ်ပွားခြင်း ဖြစ်သည်ဟု စက်ရုံတွင် ထိုင်းနှင့်မြန်မာ ဘာသာပြန်လုပ်ငန်း လုပ်ကိုင်သူ ကိုဝင်းက အခုလို ပြောသည်။
“မနက်က ကျနော်တို့ကိုပြောတာပေ့ါနော်။ အလုပ်ပြန်ဆင်းပါ။ ဘာမှ မဖြစ်ဖူး။ သူတို့ စောင့်ရှောက်ပေးမယ် ကြည့်ပေးမယ်ဆိုပြီး ပြောတယ်။ ဒါနဲ့ အလုပ်ပြန်ဝင်ကြတော့ နေ့ခင်းပိုင်းမှာ ကျနော်တို့လူတွေကို ၀င်ဆော်တာ။”
လွန်ခဲ့သည့် (၂) နှစ်ခန့်ကလည်း ယခုကဲ့သို့ တကြိမ်ဖြစ်ပွားခဲ့ပြီး ကမ္ဘောဒီးယား အလုပ်သမားများအား စက်ရုံတွင် ဆက်လက် ခန့်ထားပါက မြန်မာ အလုပ်သမားအားလုံး အလုပ်မှထွက်မည်ဟု သိရသည်။
လောလောဆယ် မြန်မာအလုပ်သမားခေါင်းဆောင်များနှင့် စက်ရုံ တာဝန်ရှိသူ တချို့ ညှိနှိုင်းနေပြီး စက်ရုံပိုင်ရှင်အား စောင့်ဆိုင်းနေသည်ဟု အလုပ်သမားများက ပြောဆိုသည်။
ယင်းစက်ရုံတွင် ကမ္ဘောဒီးယား အလုပ်သမား (၈၀၀) ခန့်နှင့်မြန်မာအလုပ်သမား (၂၀၀၀) ခန့် အလုပ်လုပ်ကိုင်ကြပြီး အနီးပတ်ဝန်းကျင်ရှိ စက်ရုံများတွင် ကမ္ဘောဒီးယားက မြန်မာ နိုင်ငံသားထက် ပိုများကြောင်း သိရသည်။
ထို့အပြင် ကမ္ဘောဒီးယာ အလုပ်သမားများထံတွင် တုတ်၊ ဓါးများ အပြင် သေနတ်များ ကိုင်ဆောင်ထားပြီး အခင်းဖြစ်ပွားစဉ် အနီးရှိအခြားစက်ရုံမှ ကမ္ဘောဒီးယား အလုပ်သမား များအား ခေါ်ဆောင်ရိုက်နက်ခဲ့ရာ မြန်မာ အလုပ်သမား ငါးဦးထက်မနည်း ထိခိုက် ဒဏ်ရာရပြီး တဦး ဒဏ်ရာ ပြင်းထန်ကြောင်း အလုပ်သမားများက ပြောသည်။
လောလောဆယ် စက်ရုံဝင်းအတွင်း ထိုင်းရဲနှင့် ဒေသခံစစ်တပ်မှ တပ်ဖွဲ့ဝင် လေးဆယ်ခန့် လုံခြုံရေး ယူထားပေးသော်လည်း ယင်းကိစ္စမျိုး ထပ်မံ ဖြစ်ပွားလာမည်ကို မြန်မာ အလုပ် သမားများက စိုးရိမ်နေကြသည်။
ချင်းပြည်နယ်တောင်ပိုင်း မင်းတပ်မြို့နယ်အတွင်း ယခုနှစ် ဖေဖေါ်ဝါရီလ ၂၆ ရက်နေ့က ယာမီး ကြောင့် ၂၄ ဧက စာ မတ်ပဲ စိုက်ခင်း၊ လူနေအိမ် နှင့် အမျိုးသမီးတဦးမီးထဲ ပါသွားသည့် အမှုကို သက်ဆိုင်ရာ ရဲစခန်းသို့ တိုင် တန်းသည့် အမှု ယနေ့ ထိ အရေးယူဆောင်ရွက်မှု မရှိသေးကြောင်း သတင်းရရှိသည်။
မင်းတပ်မြို့ အနောက်ရပ်ကွက်နေ ဦးထန်းလောတို့ အဖွဲ့မှ ရှို့လိုက်သော ယာမီးကြောင့် ဦးတမ်ထန်း အပါအ၀င် မိသားစု ၇ စု ပိုင်ယာခင်းမီးလောင်မှု ၊ လူနေအိမ် နှင့် ဒေါ် လိန်အွယ် သေဆုံးမှု အား ဖေဖေါ်ဝါရီလ ၂၇ ရက်နေ့က မင်းတပ်မြို့ မြန်မာနိုင်ငံရဲတပ်ဖွဲ့ထံ တိုင်ထားခြင်းဖြစ်သည်။
“ယာမီးကြောင့် ဦး တာမ်ထန်း ဆုံးရှူံးတဲ့ ပစ္စည်းတန်ဖိုးမှာ ကျပ်ငွေ ၈ သိန်းခန့်ရှိမည်ဖြစ်မည်ဖြစ်ပြီး ဒေါ် လိန်းအွယ်လည်း မီးထဲ ပါသွားတယ် ” ဟု ဒေသခံတဦးက ပြောသည်။
သက်ဆိုင်ရာ အာဏာပိုင်တို့သည် ယာခင်းသို့ ကွင်းဆင်းလေ့လာခြင်းတစုံတရာ မရှိကြောင်း ၂၄ ဧကစာ မတ်ပဲ စိုက်ခင်းဆုံးရှုံးသွားသည့် ဦးတာမ်ထန်း၊ ဒေါ်မဲလှီး၊ ဦး အွမ်ခေါဂေ၊ ဦး အွမ်ဂေ၊ ဦး နိုင်းဟာ၊ ဦးအောင်ထန်းဟာ၊ ဦးမန်တမ်၊ ဒေါ်လိန်းအွယ် ( သေဆုံး) တို့ မိသားစုသည် စားဝတ်နေရေး ပြသာနာနှင့် ကြုံတွေ့နေရကြောင်း ထပ်မံ ဆိုသည်။
“ ဘာသာရေးအသင်းအဖွဲ့တွေကတော့ တရားခံ နဲ့ တရားလိုတွေကို ဒေသထုံးစံအရ ပြေရာပြေ ကြောင်း ညှိနှိုင်း တောင်းပန် ပေးကြတယ် ၊ ဒါပေမဲ့ အမှုကိုတော့ မရုတ်သိမ်းကြဘူး” ဟု ပြောသည်။
မင်းတပ်မြို့နယ် ဒေသခံများသည် မတ်ပဲ၊ ၀ါးဥ စိုက်ခင်းများဖြင့် အဓိက အသက်မွေးဝမ်းကျောင်း ပြုကြသည်။
ရခိုင်ပြည်နယ် သံတွဲမြို့ရှိ အစိုးရ GTI တက်ရောက်နေသည့် တခြားမြို့နယ်များမှ ကျောင်းသူ/ ကျောင်းသားများကို အရေးပေါ် အမြန် ရေယာဉ်များနှင့် ၎င်းတို့၏ နေရပ် အသီးသီးသို့ တာဝန်ရှိသူများမှ ပြန်လည် ပို့ဆောင်နေကြောင်း သိရှိရ သည်။
ရပ်ဝေးမှလာရောက် ပညာသင်ကြားနေသည့်ကျောင်းသားများကို မလိခ အမြန်ယာဉ်နှင့်ပို့ပေးလိုက်ကြောင်း ကို မြို့ခံတဦးက ယခုကဲ့သို့ပြောသည်။
“ဟုတ်ကဲ့။ ကျောက်ဖြူ၊ ရမ်းဗြဲဘက်ကကျောင်းသားတွေကို စိုးရိမ်ရတဲ့အတွက် ဒီနေ့ မလိခ အမြန်ယဉ်နဲ့ ပို့ပေး လိုက်တာပါ။ တချို့ကို ရွှေပြည်တန် အမြန်ယာဉ်နဲ့ ပို့ပေးလိုက်ပါတယ်” ဟု ပြောသည်။
တောင်ကုတ်မှ ကျောင်းသားများကို ယမန်နေ့ကတည်းက မိဘများက စိုးရိမ်သည်အတွက် မိမိနေအိမ်သို့ ပြန် လည် ခေါ်ဆောင်ထားပြီ ဖြစ်ကြောင်းလည်း တောင်ကုတ်မြို့ခံတဦးဖြစ်သူ ကိုမင်းအောင်က ပြောသည်။
“ မနေ့ကတည်း ပြန်ခေါ်ထားကြပါတယ်။ မနေ့က သံတွဲမှာတက်နေတဲ့ GTI ကျောင်းသားတွေကို ကား ၄ စီး နဲ့သွားပြီး မိဘတွေက ပြန်ခေါ်ထားကြပါတယ်။ စိုးရိမ်လို့ပါ။”
ယခုကဲ့သို့ ပြန်ပို့နေခြင်းမှာ သံတတွဲ မြို့ခံမူဆလင် ဘာသာဝင်များနှင့် ကျောင်းသားများအကြား ပြဿနာ မဖြစ်ပွားအောင် ပို့ ဆောင်လိုက်ခြင်းဖြစ်ပြီး ကျောင်းကိုလည်း ယာယီ ပိတ်ထားလိုက်ကြောင်း သိရှိရသည်။
တောင်ကုတ်မြို့တွင် ကောလဟာသတင်းများ အမျိုးမျိုးထွက်ပေါ်နေသော်လည်း အခြေအနေမှာ ငြိမ်သက် လျှက်ရှိကြောင်း ကိုမင်းအောင်က ဆက်ပြောသည်။
“ ဒီမှာ လုံခြုံရေးကလည်း ပုံမှန်ပါ ထူးထူးခြားခြားတော့ မတွေ့ရပါဘူး။ ကောလဟာလ သတင်းတွေကတော့ အမျိုးမျိုး ဖြစ်နေတယ်။ သံတွဲဘက်က ကားတွေနဲ့လာတယ်ဆိုတာမျိုးပေါ့။ သံတွဲမှာလည်း မူဆလင်တွေရှိ တယ်ဆိုတော့ သတင်းတွေက အမျိုးမျိုးထွက်နေတယ်။”
မေလ ၂၈ ရက်နေ့က ရမ်းဗြဲမြို့ သပြေချောင်းကျေးရွာမှ အသက် ၂၆ နှစ် မသီတာထွေး မုဒိမ်းကျင့် သတ်ဖြတ်ခဲ့ရပြီး အဆိုပါ သတ်ဖြတ်ခံရမူ အပေါ် မကျေမနပ် ဖြစ်နေသော တောင်ကုတ်မြို့မှ လူအုပ်စု တစုက အပြစ်မဲ့ မူဆလင် ဘာသာဝင် ၁၀ ဦး ကို ဇွန်လ ၃ ရက်နေ့က သတ်ဖြတ်ခဲ့သည်။ ယင်းနောက်ပိုင်းတွင် ရခိုင်ပြည်နယ်အတွင်း အခြေအနေမှာ တင်းမာလျှက် ရှိသည်။
ကျေညာချက်များမှာ အောက်ပါ အတိုင်း ဖြစ်သည်။
ရခိုင်တိုင်းရင်းသားများ တိုးတက်ရေးပါတီ
ဗဟိုဌာနချုပ်၊ စစ်တွေမြို့
သဘောထားကြေငြာချက် အမှတ် (၁/၂၀၁၂)
နေ့စွဲ-၂၀၁၂-ခုနှစ်၊ ဇွန်လ (၄) ရက်
၁။ ၂၈. ၅. ၂၀၁၂ နေ့တွင် ဖြစ်ပျက် ပေါ်ပေါက်ခဲ့သော ရခိုင်ပြည်နယ်၊ ရမ်းဗြဲမြို့နယ်၊ ကျောက်နီမော် ကျေးရွာ အုပ်စု၌ ရခိုင် အမျိုးသမီးအား လူမဆန်စွာ မုဒိမ်းပြုကျင့် ရာဇ၀တ်မှုကျူးလွန် သတ်ဖြတ် ခံခဲ့ရမှု အပေါ်၊ ရခိုင်တိုင်း ရင်းသားများ တိုးတက်ရေးပါတီ အနေဖြင့် များစွာ စိတ်ထိခိုက် ၀မ်းနည်း ကြေကွဲ ရပါသည်။
၂။ ၃.၆. ၂၀၁၂ နေ့တွင် ရခိုင်ပြည်နယ်၊ တောင်ကုတ်မြို့၌ အစ္စလာမ်ဘာသာဝင် ခရီးသွားပြည်သူ (၁၀)ဦးအား ရက်စက်စွာ သတ်ဖြတ်ကျူးလွန်ကြမှုအပေါ် တွင်လည်း ကျွန်ုပ်တို့ ရခိုင်တိုင်းရင်းသားများ တိုးတက်ရေးပါတီအ နေဖြင့် လုံးဝလက်ခံ နိုင်ဖွယ်ရာ ဖြစ်ရပ်မဟုတ်ကြောင်း ရှုမြင်သုံးသပ်ပါသည်။
၃။ ရန်လိုမုန်းတီးခြင်း၊ ရက်စက်ခြင်း၊ အကြမ်းဖက်ခြင်း၊ အစွန်းရောက် လွန်းခြင်းများသည် ယဉ်ကျေးသော လူ့အ ဖွဲ့အစည်း အဆင့်ဆင့်အနေဖြင့် ယနေ့ကာလတွင် ခါးခါးသီးသီး လက်ခံနိုင်စရာ မရှိသော အချက်များဖြစ်ပေသည်။
၅။ ရခိုင်လူ့အဖွဲ့ အစည်းအဆင့်ဆင့် အနေဖြင့် ဤသို့သော လူမဆန်မှုများကို ပစ်ပယ်၍ လူ့အဖွဲ့ အစည်းကြီး၏ အေးချမ်းသာယာမှု၊ လုံခြုံမှု၊ ချစ်ခင်မှု၊ နွေးထွေးမှု စသောအချက်များကို မြှင့်တင် ဆောင်ရွက် ခြင်းဖြင့် အေးချမ်း လုံခြုံသော လူ့ဘောင်လူ့အဖွဲ့အစည်းကို တည်ဆောက်ရပေမည်။
၆။ သို့ဖြစ်ပါ၍ အခြားအခြားသော မလိုလားအပ်သည့် ပြဿနာ၊ ပဋိပက္ခများ ပေါ်ပေါက်ခြင်းများ ချုပ်ငြိမ်းရန်နှင့် အေးချမ်းလုံခြုံမှု ခိုင်မာစွာ ပေါ်ထွန်းနိုင်စေရန်၊ မည်သည့်ဖြစ်ပွားပေါ် ပေါက်သော ပြဿနာအခက် အခဲများမဆို အား လူသားဆန်စွာနှင့် ဥပဒေနှင့် ညီညွတ်စွာသာလျှင် ရင်ဆိုင်ဖြေရှင်း ကြသင့်ပါကြောင်း လေးစားစွာတိုက် တွန်းအပ်ပါသည်။
ဗဟိုအလုပ်အမှုဆောင် အဖွဲ့
ရခိုင်တိုင်းရင်းသားများ တိုးတက်ရေးပါတီ
ဗဟိုဌာနချုပ်၊ စစ်တွေမြို့
ဗဟိုဌာနချုပ်၊ စစ်တွေမြို့
သဘောထားကြေငြာချက် အမှတ် (၂/၂၀၁၂)
နေ့စွဲ ၂၀၁၂-ခုနှစ် ဇွန်လ (၄) ရက်
၁။ ၃.၆.၂၀၁၂ နေ့ညနေပိုင်းက စစ်တွေမြို့၊ အမှတ် (၁) ရဲစခန်းရှေ့၌ ဖြစ်ပွားခဲ့သော ပြဿနာ၏ အစမှာစစ် တွေမြို့ စက်ရုံစုရပ်ကွက် (နာဇီဈေး) အခွန်ကောက်ခံ သူအုပ်စုများ၏ ပဋိပက္ခဆက်နွယ်ပြီး “အောင်သန်းဝေ” ဆိုသူ ပျောက်ဆုံးနေမှုအတွက် တိုင်တန်းတောင်းဆို ကြခြင်းဖြစ်ကြောင်း ကျွန်ုပ်တို့ပါတီမှ သိရှိခဲ့ရပါသည်။
၂။ ကျွန်ုပ်တို့ပါတီမှ တာဝန်ရှိ ပုဂ္ဂိုလ်အချို့ကိုယ်တိုင် “အောင်သန်းဝေ” အား လိုက်လံရှာဖွေတွေ့ရှိ လာခဲ့သည့် အတွက် အမှတ် (၁) ရဲစခန်းရှေ့ရှိ တောင်းဆိုနေကြသူ လူအုပ်အား “အောင်သန်းဝေ” ကိုထုတ်ဖော်ပြသခြင်း။ အောင်သန်းဝေကိုယ်တိုင် တောင်းဆိုသူလူ အုပ်များရှေ့မှောက်၌ စကားပြောဆိုခြင်းတို့ ပြုလုပ်ခဲ့ပါသည်။
၃။ ထိုနောက်တွင် အဓိကရုဏ်း အသွင်ဆောင်လာသော လူအုပ်အား သက်ဆိုင်ရာမှ အင်အားသုံးပစ်ခတ်နှိမ် နင်းခြင်း၊ (၁၁)ဦးဒဏ်ရာရရှိပြီး စစ်တွေဆေးရုံကြီး၌ အတွင်းလူနာအဖြစ် ကုသရခြင်းတို့ ဖြစ်ပျက်ရမှုနှင့် ပတ် သက်၍ ရခိုင်ပြည်သူ တစ်ရပ်လုံးနှင့်အတူ ကျွန်ုပ်တို့ပါတီမှ အထူးထိခိုက်ခံစား ရပါကြောင်း ထုတ်ပြန်အပ်ပါ သည်။
၎။ သက်ဆိုင်ရာမှ အဓိကရုဏ်း နှိမ်နင်းရာတွင် အင်အားအလွန် ကြီးမားစွာ အသုံပြုမှုနှင့် ပတ်သက်၍လည်း ရခိုင် ပြည်သူ တစ်ရပ်လုံးနှင့်ထပ်တူ အထူးထိခိုက်ခံစားရ ပါကြောင်း သဘောထားထုတ်ပြန် အပ်ပါသည်။
၅။ ၃.၆.၂၀၁၂ နေ့ဖြစ်ပွားသော ဖြစ်ရပ်နှင့် ပတ်သက်၍ ဥပဒေနှင့်အညီ အရေးယူ ဆောင်ရွက်ကြရေးကိုလည်း ကောင်း၊ ပြည်သူများ၏ သံသယကင်းစင်ရေးအတွက် အဖြစ်အပျက်၏ သတင်းမှန်များကို သက်ဆိုင်ရာမှ တိကျ စွာ ထုတ်ပြန်ပေးရေးကိုလည်းကောင်း ကျွန်ုပ်တို့ပါတီမှ လေးလေးနက်နက် တောင်းဆိုအပ်ပါသည်။
ဗဟိုဌာနချုပ် အမှုဆောင်အဖွဲ့
ရခိုင်တိုင်းရင်းသားများ တိုးတက်ရေးပါတီ
ဗဟိုဌာနချုပ်၊ စစ်တွေမြို့
ရခိုင်ပြည်နယ် တောင်ကုတ်မြို့တွင် လူအုပ်ကြီး၏ တိုက်ခိုက်မူကြောင့် အစ္စလာမ်ဘာသာဝင် ၁၀ ဦးသေဆုံးသွားရခြင်းမှာ အာဏာပိုင်များက ဥပဒေ အရအကာအကွယ် မပေးရာမှ သေဆုံးသွားခြင်း ဖြစ်ကြောင်း အဆိုပါ အခင်းဖြစ်ပွားရာတွင် အနီးကပ် ရှိနေသူ ဒေသခံတစ်ဦးက ပြောသည်။
“ ရဲကဘဲ ဖြစ်ဖြစ်၊ စစ်တပ်က ဖြစ်ဖြစ် ထိန်းရင် အချိန်မီ ထိန်းလို့ရပါတယ်။ ခုလို အုတ်အော်သောင်းနင်း ဖြစ်နေတာကို အာဏာပိုင်တွေ အကုန်လုံး သိပါတယ်။ ဒါပေမယ့် သူတို့က လုံးဝကို မထိန်းဘူး။ ဒီတိုက်ခိုက်မူက ချက်ချင်း ဖြစ်တာ မဟုတ်ပါ။ အချိန်တော်တော်ကြာ ဆွဲလားငင်လား ဖြစ်နေခဲ့တယ်။ အာဏာပိုင်တွေက လုံးဝ ၀င်မတားခဲ့တဲ့ အတွက် နောက်ဆုံးမှာ စိတ်မကောင်းစရာ အဖြစ်ဆိုး ဖြစ်သွားရတာ ဖြစ်ပါတယ်” ဟု သူက ပြောသည်။
၎င်းပြင် အခင်းဖြစ်ပွားနေချိန်တွင် ရဲနှင့် စစ်သားများလည်း အနီးကပ် ရှိနေခဲ့ပြီး တစ်စုံတစ်ရာ ၀င်ရောက် ဟန့်တားခဲ့မူ မရှိကြောင်း သူက ပြောသည်။
“ ဒီပြဿနာကို ဘယ်လို ဖြေရှင်းတယ်ဆိုတာ ကျွန်တော်လည်း မသိဘူး။ အေးဒီနေ့က ဖြစ်နေတဲ့ အချိန်မှာ သတ်နေ ထောင်းနေကြတဲ့ နေရာမှာ သူတို့ ၀င်ရောက် တားမြစ်တာတွေ ကာကွယ်တာတွေ စောင့်ရှောက် တာတွေ တစ်ခုမှ မရှိဘူး။ သူတို့ရဲ့ မျက်စိရှေ့မှာဘဲ သတ်ပစ်၊ ထောင်းပစ်ကြတဲ့ အနေအထား၊ ဆိုတော့ ဒါဟာ ဥပဒရဲ့ ဘက်တော်သားတွေကိုယ်တိုင် ၀င်ရောက် ကာကွယ် တားဆီးပေးရမယ့်ဟာကို မလုပ်ခဲ့တဲ့ ကိစ္စပါ” ဟု သူက ပြောသည်။
တစ်ခြား အမျိုးသမီ တစ်ဦးကလည်း အခင်းဖြစ်ပွားစဉ် အဆိုပါ နေရာတွင် ရဲသားနှင့် စစ်သားများ ရှိနေကြောင်းကို ယခုလို ပြောကြားသည်။
“ ဖြစ်နေတဲ့ အချိန်မှာ ရဲနဲ့ စစ်သားတွေလည်း ရောက်ပါတယ်။ သူတို့ အနေနဲ့ ဘာမှ မပြောနိုင်ပါ။ ပြောမယ်ဆိုရင်လည်း ပြောလို့ရမှာပါ။ သူတို့တွေက လေးတွေကို ဘာမှ ၀င်မပြောဘူး။ ဒီအတိုင်းဘဲ ကြည့်နေကြပါတယ်” ဟု သူက ပြောသည်။
ရိုးမ သစ္စာမှန်လုံးကားသည် တောင်ကုတ်မြို့ထဲ ကားဂိတ်မှ နေ၍ မြို့ပြင်သို့ မောင်းထွက်ချိန်တွင် ထိုကားနောက်သို့ ဆိုင်ကယ် အများအပြားဖြင့် လိုက်သွားရာ လမ်းတစ်ခုလုံးတွင် ဆူညံနေကြောင်း၊ လူအုပ်ကြီးမှလိုက်ပါသွားခဲ့သည်ကိုလည်း အာဏာပိုင်များက သိကြောင်း၊ အချိန်မီ ဟန့်တားက ဟန့်တား၍ ရနိုင်ကြောင်း ဒေသခံများက ပြောသည်။
အတည်မပြုရသေးသော သတင်း တစ်ခုအရ အဆိုပါ ရိုးမ သစ္စာ မှန်လုံကားသည် လူအုပ်ကြီး လိုက်လာသဖြင့် လူဝင်မူကြီးကြပ်ရေး ၀င်းသို့ မောင်းဝင်သွားခဲ့ကြောင်း၊ တာဝန်ရှိသူများက မွတ်ဆလင်တွေပါလာသဖြင့် မိမိတို့ ပြဿနာ အဖြစ်မခံနိုင်ဟု ဆိုကာ ပြန်လည် မောင်းထုတ်ခဲ့ကြောင်း သိရသည်။
တောင်ကုတ်မြို့တွင် အစ္စလာမ်ဘာသာဝင်များ သတ်ဖြတ်ခံရခြင်းမှာ တရားဥပဒေ စိုးမိုးမှုရဲ့ အားနည်း ချက်ကြောင့် ဖြစ်ကြောင်း တောင်ကုတ်မြို့ အမျိုးသား ဒီမိုကရေစီအဖွဲ့ချုပ်က အတွင်းရေးမှူး ဦးခင်လှက ဗွီအိုအေ မြန်မာပိုင်း အစီအစဉ်ကို ယခုလို ပြောခဲ့သည်။
“ကျနော့အနေနဲ့ပြောရမယ်ဆိုရင်တော့ တရားဥပဒေစိုးမိုးမှု မရှိလို့ ဖြစ်တာလို့ မြင်တယ်။ ဘာလို့လဲ ဆိုတော့ အချိန်က စောစောကြီးပဲ၊ ညနေ လေးနာရီခွဲ လောက်ပဲ ရှိတယ်။ ဖြစ်တဲ့ကိစ္စမှာလည်း တချက်တည်း ခုတ်၊ ထိုး၊ သတ်ပြီးတော့ လူတယောက် ထွက်ပြေးသွားတာမျိုး မဟုတ်ဘူးပေါ့နော်။ တိုင်းပြည်ကို ငြိမ်ဝပ်ပိပြားဖို့ ဥပဒေစိုးမိုးဖို့ ကိုင်တွယ်နေတဲ့ ပုဂ္ဂိုလ်တွေမှာတော့ တာဝန်ရှိတယ်လို့ ကျနော် ထင်တယ်” ဟု ပြောသည်။
ဥပဒေစိုးမိုးမှု မရှိရာမှ ယခုလို ပြဿနာများ ပေါ်ပေါက်လာသဖြင့် ဥပဒေ စိုးမိုးမူ ရှိရန် လိုအပ် ကြောင်း ရခိုင်အမျိုးသမီး အစည်းအရုံး ဥက္ကဌ ဒေါ်စောမြရာဇာလင်းက နိရဉ္စရာသို့ ပြောသည်။
“ကျမအနေနဲ့ ဥပဒေစိုးမိုးမှုရှိဖို့ လိုအပ်တယ်လို့ မြင်ပါတယ်။ ဗုဒ္ဓဘာသာဘဲဖြစ်ဖြစ်၊ မူဆလင် ဘဲဖြစ်ဖြစ် ဘယ် ဘက်ကမဆို ဆုံးရှုံးနစ်နာမှု မရှိအောင် ငြိမ်းငြိမ်းချမ်းချမ်းနေနိုင်အောင် အစိုးရက ဥပဒေ စိုးမိုးမှုရှိအောင် ဖန်တီးပေး ဖို့လိုတယ်။ ပြစ်မှုတခုကို ကျူးလွန်တယ်ဆိုရင် အဲဒီတရားခံကို ဥပဒေအရ ထိုက်သင့်တဲ့ အရေးယူမှုကို ပြုလုပ် ဖို့လိုပါတယ်” ဟု ပြောသည်။
တောင်ကုတ်မြို့မှာ ရခိုင်ပြည်နယ်မှ ဗမာပြည်မသို့ ၀င်ပေါက် တံခါးဝ ဖြစ်သဖြင့် ရခိုင်ပြည်မှ မွတ်ဆလင် ဘာသာဝင်များ ဗမာပြည်သို့ မပြောင်းရွေ့ရအောင် အာဏာပိုင်များက ဒေသခံများကို သွေးထိုး လုံဆော်ကာ ဖြတ်သန်း သွားလာခွင့်ကို တင်းတင်းကျပ်ကျပ် ပိတ်ပင်ထားကြောင်း သိရသည်။
ယနေ့ ရန်ကုန်မြို့၌ ငြိမ်းချမ်းစွာ ဆန္ဒပြနေသော အစ္စလမ် ဘာသာဝင်တချို့(ဓာတ်ပုံ - အောင်သက်ဝိုင်း/ဧရာဝတီ)
ရခိုင်ပြည်နယ် တောင်ကုတ်မြို့တွင် ဖြစ်ပွားခဲ့သော ရိုးမ သစ္စာကားပေါ်မှ အစ္စလမ်ဘာသာဝင် ခရီးသည် ၁၀ ဦး သတ်ဖြတ်ခံရခြင်းနှင့် ရခိုင် အမျိုးသမီးလေးကို အဓမ္မပြုကျင့် သတ်ဖြတ်ခြင်း များနှင့်ပတ်သက်ပြီး တရားဥပဒေအရ အရေးယူ ဆောင်ရွက်ပေးရန် ယနေ့ ရန်ကုန် မြို့တွင် အစ္စလမ် ဘာသာဝင်တချို့က ငြိမ်းချမ်းစွာ ဆန္ဒပြ တောင်းဆိုသည်။
ရန်ကုန်မြို့ ဆူးလေစေတီ အနီးရှိ ဗလီဝတ်ကျောင်းရှေ့တွင် အစ္စလမ်ဘာသာဝင် တချို့က တရားဥပဒေ စိုးမိုးရေးနှင့် အမှုအခင်းအား အစိုးရ သတင်းစာက ဖော်ပြရာ၌“မွတ်ဆလင်ကုလား”ဟူသော အသုံးအနှုန်းကို ပြောဆိုသုံးနှုန်းမှု အပေါ် ပြန်လည် တောင်းပန်ရန်လည်း တောင်းဆိုကြသည်။
ယနေ့ နေ့လယ် ၁၂ နာရီဝန်းကျင်က စတင် ဆန္ဒပြပွဲဖြစ်ပွားသည့်နေရာသို့ ၈၈ မျိုးဆက် ကျောင်းသားခေါင်းဆောင် ကိုမြအေး လည်း ရောက်ရှိလာပြီး ငြိမ်းချမ်းစွာ အတူယှဉ်တွဲ နေထိုင်ကြရန် ဆန္ဒပြသူများကို ပြောသည်။
အသက်အိုးအိမ်များ ထပ်မံဆုံးရှုံးမှုမဖြစ်စေလိုကြောင်း၊ အစိုးရ သတင်းဌာန၏ အသုံးအနှုန်းကို ကန့်ကွက်ကြောင်းလည်း ၄င်းက
ဆက်လက် ပြောဆိုသည်။ ကိုမြအေးသည် အစ္စလမ် ဘာသာဝင် တဦး ဖြစ်ကြောင်း သိရသည်။
ယနေ့ထုတ် အစိုးရ မြန်မာ့အလင်း သတင်းစာ၌ “သံတွဲမှ ရန်ကုန်သို့ မောင်းနှင်လာသော ရိုးမသစ္စာ ခရီးသည်တင် မှန်လုံယာဉ်ပေါ်မှ မွတ်ဆလင်ကုလား ၁၀ ဦး အသတ်ခံရ”ဟူ၍ သတင်း ခေါင်းစဉ်၌ ဖော်ပြထားသည်။
ဇွန်လ ၃ ရက်နေ့ ညနေပိုင်းတွင် ရခိုင်ပြည်နယ် သံတွဲမြို့မှ ရန်ကုန်မြို့သို့ မောင်းနှင်လာသော ရိုးမသစ္စာ ခရီးသည်တင် ကားပေါ် ပါလာသူ ၁၀ ဦးအား တောင်ကုတ်မြို့တွင် လူအုပ်စု တစုက သတ်ဖြတ်ခဲ့မှု သတင်းဖော်ပြချက်၌ မြန်မာ့ အလင်း သတင်းစာက ထိုသို့ သုံနှုန်းထားခြင်း ဖြစ်သည်။
အစိုးရ သတင်းဌာန၏ သုံးနှုန်းမှုသည် ကျင့်ဝတ်ချိုးဖောက်ခြင်းဖြစ်သည်ဟု ပြည်တွင်း နိုင်ငံရေးသမားများ နှင့် သတင်း မီဒီယာ သမားများကလည်း ပြောဆိုကြသည်။
မေလ ၂၈ ရက်ကလည်း ရခိုင်ပြည်နယ် ရမ်းဗြဲ မြို့နယ် ကျောက်နီမော် ကျေးရွာ အုပ်စု သပြေချောင်း ကျေးရွာနေ အသက် ၂၇ နှစ် ရှိ မသီတာထွေး ကို လူငယ် ၃ ဦးက အဓမ္မပြုကျင့် သတ်ဖြတ်၍ လက်ဝတ် လက်စား ရွှေထည်ပစ္စည်းများ ယူဆောင်သွားသည့် အမှု ဖြစ်ပွားခဲ့ပြီး ယင်းအမှုနှင့် ပတ်သက်၍လည်း ယခု ဆန္ဒပြသူများက တရားဥပဒေအရ အရေးယူ ဆောင်ရွက်ပေးရန် တောင်းဆိုကြခြင်း ဖြစ်သည်။
ရန်ကုန်မြို့ ဆယ်တန်းကျောင်းသူတဦးအား သတ်ဖြတ်မှုဖြင့် သင်္ကာမကင်းဖြစ်ခံရသည့် ကိုမျိုးလွင်
ရန်ကုန်မြို့၊ လမ်းမတော်မြို့နယ်ရှိ အသက် ၁၆ နှစ်အရွယ် ကျောင်းသူတဦးအား သတ်ဖြတ်ကာ မီးရှို့ အလောင်းဖျောက်ဖျက်သူအား အခင်းဖြစ်ပွားပြီး ၄၄ နာရီအတွင်း ဖမ်းဆီးနိုင်ခဲ့ကြောင်း ရန်ကုန်တိုင်း ရဲတပ်ဖွဲ့က ပြောသည်။
လမ်းမတော် ၇ လမ်း အထပ်မြင့်တိုက်ခန်းတခုတွင် ထိုအမှု ဖြစ်ပွားခဲ့သည့် မေလ ၃၀ ရက်နေ့နံနက် က ရွှေပုဇွန်မုန့်တိုက်မှ မုန့်ထုပ် ကိုင်ဆောင်ထားသူ အမျိုးသားတဦးအား တိုက်လှေကားအတွင်း မသင်္ကာ ဖွယ် တွေ့လိုက်ရသည်ဟု သတင်းရခဲ့ကြောင်း၊ ထိုမုန့်တိုက်ရှိ လုံခြုံရေးကင်မရာမှတ်တမ်းမှတ ဆင့် ပြစ်မှုကျူးလွန်သူအား ခြေရာခံမိခြင်း ဖြစ်ကြောင်း ရဲတပ်ဖွဲ့က ပြောသည်။
“သူက သွေးအေးတယ်။ သေသေ ချာချာ စီစဉ်ပြီး အမှုကို ကျူးလွန်တယ်။ သူ့ကို ဖမ်းဆီး ဖော်ထုတ်နိုင်ခဲ့တာက ပြည်သူတွေရဲ့ ကူညီမှုကြောင့်ပါ” ဟု မှုခင်းဌာနမှ ရဲမှူးမြင့်ထွေးက ရှင်းပြသည်။
ပြစ်မှုကျူးလွန်သူသည် သာကေတမြို့နယ် ၁ ရပ်ကွက်၊ ထူပါရုံ ၉ လမ်းတွင် နေထိုင်သူ ကိုမျိုး (ခေါ်) ကိုမျိုးလွင် ဆိုသူ ဖြစ်ကြောင်း၊ သားငါးရောင်းချသူ ကိုမျိုးလွင်သည် သေဆုံးသူ၏ မိခင် ဒေါ်စန်းရီထံမှ အတိုးနှုန်းကြီးကြီးဖြင့် ချေးယူထားသောငွေများ ပြန်မဆပ်နိုင်သည့်အတွက် အငြိုးအတေးထားခဲ့ကြောင်း၊ တခြား အိမ်သူအိမ်သားများ မရှိခိုက် တိုက်ခန်းတွင်း ၀င်ရောက်ပြီး သတ်ဖြတ်ခဲ့ခြင်း ဖြစ်ကြောင်း ရဲမှူးမြင့်ထွေးက ပြောသည်။
လူသတ်မှုကျူးလွန်ပြီး ရုပ်အလောင်းပေါ်သို့ အ၀တ်အထည်များ ပုံကာ မီးရှို့ခဲ့သည်ဟု ၀န်ခံ ထွက်ဆိုကြောင်း၊ တိုက်ခန်းတွင်းမှ သူယူဆောင်ခဲ့သည့် သိန်းတရာကျော်တန်ဖိုးရှိ ရွှေထည်ပစ္စည်း ၁၁ မျိုး ပြန်လည် သိမ်းဆည်းရရှိခဲ့ကြောင်း ရဲအရာရှိက ဆက်ပြောပြသည်။
ကိုမျိုးလွင်အား လူသတ်မှု ၊ အလောင်း ဖျောက်ဖျက်မှု၊ မီးရှို့မှု၊ ခိုးမှု တို့ဖြင့် အရေးယူထားကြောင်း သိရှိရသည်။
ရန်ကုန်နေပြည်သူများ ထိတ်လန့်ခဲ့ရသည့် ဒုတိယမှုခင်းဖြစ်စဉ်မှာ မေလ ၂၇ ရက်နေ့က ကမာရွတ်မြို့နယ် အမှတ် ၃ ရပ်ကွက်၊ ၇ လမ်းတွင် ဖြစ်ပွားခဲ့သည်။ အသက် ၂၅ နှစ် အရွယ် လွင်ဦးဆိုသူသည် အထပ်မြင့်တိုက်ခန်းတွင် နေထိုင်သူ ညီအစ်မနှစ်ဦးထံ ထိုနေ့က သွားရောက်ပြီး ဓာတ်ဆီဖြင့်ပက်ကာ မီးရှို့ခဲ့ကြောင်း၊ ထိုနှစ်ဦးအနက် ဒဏ်ရာအပြင်းအထန် ရရှိသွားသူ သွားဖက်ဆိုင်ရာ ဆရာဝန် အမျိုးသမီးသည် ဆေးရုံသို့ရောက်ပြီး ရက်ပိုင်းအတွင်း သေဆုံးသွားကြောင်း သိရသည်။
ထိတ်လန့်တုန်လှုပ်ဖွယ် မှုခင်းနှစ်ခု ဖြစ်ပွားအပြီး ဒေသခံအများအပြားက လုံခြုံရေး ပိုမို ဂရုစိုက်လာကြသည်။
“အထပ်မြင့်တိုက်တာတွေကတော့ လှေကားတွေ သော့ခတ်တာတွေ ပိုပြီး ဂရုတစိုက် လုပ်လာကြတယ်” ဟု ရန်ကုန်မြို့ တရုတ်တန်းတွင် နေထိုင်သူတဦးက ပြောသည်။
လူဦးရေ ထူထပ်လွန်းပြီး လူမျိုးပေါင်းစုံ နေထိုင်သည့် ရန်ကုန်တွင် အမှု အမျိုးအစား စုစုပေါင်း ၄၀ နှင့် ၄၅ အကြား နေ့စဉ် ဖြစ်ပွားလျက်ရှိကြောင်း တိုင်းရဲတပ်ဖွဲ့မှ ရဲမှူးမြင့်ထွေးက ပြောဆိုသည်။
ရဲတပ်ဖွဲ့က ကြိုးစား စုံစမ်းလေ့ရှိသော်လည်း အမှုမှန် ဖော်ထုတ်ခြင်း မပြုနိုင်သော အမှုအခင်းများလည်း ရှိကြောင်း၊ လွန်ခဲ့သော နှစ်အနည်းငယ်ခန့်က ဖြစ်ပွားခဲ့သော ကမာရွတ်မြို့နယ် ငါးလောင်းပြိုင် လူသတ်မှုကိုလည်း ဆက်လက်စုံစမ်းဆဲဖြစ်ကြောင်း ပြောဆိုသည်။
ပြီးခဲ့သည့်နှစ်ကုန်ပိုင်းက မြောက်ဥက္ကလာပမြို့နယ်၊ နွယ်နီလမ်းထိပ်တွင် ဓားလွတ်ကိုင်လူပေါင်းမြောက်မြား စွာက လူတဦးကို ၀ိုင်းဝန်း တိုက်ခိုက်မှု၊ ရန်ကုန် မြို့လယ်တွင် ရုပ်ရှင်ဒါရိုက်တာ လူငယ်တဦးအား တုပ်နှောင်ပြီး ကားဖြင့် တရွတ်တိုက်ဆွဲခေါ်မှုတို့မှာ လူပြောများသည့် ထိတ်လန့်ဖွယ် မှုခင်းများ ဖြစ်သည်။
အောင်သက်ဝိုင်း နှင့် ဇော်ဝင်း ပူးပေါင်းရေးသားသည်။
ရခိုင်ပြည်နယ် မောင်တောမြို့နယ် ကျေးရွာတစ်ရွာမှ ရခိုင်အမျိုးသား နှစ်ဦးကို မွတ်ဆလင် ကုလားများက ၀ိုင်းဝန်းပြီး ဓါးဖြင့် ခုတ်သဖြင့် ဆေးရုံတင်ထားရကြောင်း သတင်း ရရှိသည်။
မောင်တောမြို့ တစ်နေရာ
ဆေးရုံ တင်ထားရသူ နှစ်ဦးမှာ မောင်တောမြို့နယ် ကင်းချောင်းကျေးရွာနေ (ဘ) ဦးချင်းရီ၏သား ဦးအောင်ကျော်လှ အသက် (၅၄)နှစ်နှင့် (ဘ) ဦးသိန်းထွန်း၏သား ဦးအနီမောင် အသက် (၄၂)နှစ်တို့ ဖြစ်သည်။
” သူတို့ နှစ်ဦးကို ဧပြီလ ၃၀ ရက်နေ့ နေ့လည် ၁၂ နာရီအချိန်ခန့်တွင် မောင်တောနယ်မှာ နေထိုင်တဲ့ ဘင်္ဂလီကုလားတွေ ၀ိုင်းဝန်းပြီး တုတ်တွေနဲ့ ရိုက်၊ ဓါးနဲ့ ခုတ်တဲ့ အတွက် ဒဏ်ရာ ပြင်းထန်စွာ ရရှိသွားတာကြောင့် အခု ဆေးရုံမှာ အတွင်း လူနာ အဖြစ်နဲ့ တင်ထားရပါတယ်″ ဟု သူတို့၏ ဆွေမျိုး တစ်ဦးက ပြောသည်။
ဖြစ်စဉ်နှင့် ပတ်သက်ပြီး သူက ယခုလို ပြောသည်။
” လွန်ခဲ့တဲ့ ဧပြီလ ၃၀ ရက်နေ့ နံနက်ပိုင်းမှာ ကျွန်တော်တို့ ကင်းချောင်း ကျေးရွာ အတွင်းကို ဘင်္ဂလီကုလား (၄) ဦး ၀င်ရောက်လာပါတယ်။ ရွာသားတွေက – မင်းတို့ ဘယ်ကလဲ၊ ဘာလုပ်ဖို့ ရွာထဲဝင်လာတာလဲ- ဆိုပြီး မေးမြန်းပါတယ်။ ကုလားတွေက ” ငါတို့ နွားဝယ်ဖို့လာတာ၊ ဂေါ်ဒူသာရ ကျေးရွာက ဆိုပြီး ပြန်ပြောပါတယ်။ ရွာသားတွေက “ငါတို့ရွာမှာ နွားရောင်းဖို့မရှိဘူး၊ မင်းတို့ ငါတို့ရွာထဲ ၀င်မလာနဲ့ ပြန်သွားကြလို့ ပြောဆိုပြီး ရွာပြင်ကို ထွက်သွားခိုင်းပါတယ်။ ဘင်္ဂလီ ကုလားတွေ ထွက်သွားပေမယ့် စိတ်မချတာကြောင့် သူတို့နောက်ကို ရွာသားနှစ်ဦးဖြစ်တဲ့ အောင်ကျော်လှနဲ့ အနီမောင်က လုိုက်ကြည့် ပါတယ်။ ရွာပြင်ကို ရောက်တဲ့ အခါ ရွာပြင်မှာ ပုန်းပြီး အသင့် စောင့်နေတဲ့ တစ်ခြား ကုလားတွေနဲ့ ပေါင်းပြီး တုတ်တွေနဲ့ ၀ိုင်းရိုက်၊ ဓါးတွေနဲ့ ခုတ်ကြပါတယ်။ အဲသလို ခုတ်တဲ့ အတွက် ကျွန်တော် တို့ ရွာသား နှစ်ဦးမှာ ပြင်းထန်စွာ ဒဏ်ရာ ရရှိသွားပြီး ဆေးရုံကို တင်လိုက်ရပါတယ်″ ဟု ပြောသည်။
အဆိုပါ အခင်း ဖြစ်ပွားပြီးနောက် သက်ဆိုင်ရာ အာဏာပိုင်များက လိုက်လာရာ ဘင်္ဂလီကုလားများမှာ ထွက်ပြေးသွားကြသည်ဟု သူက ပြောသည်။
” အခု တရားခံတွေက မရှိတော့ဘူး။ ဘင်္ဂလာဒေခ်ျ့ကို ထွက်ပြေးသွားကြတယ်လို့ သိရပါတယ်။ သူတို့က ခုလို ပြဿနာ လုပ်ပြီးရင် တဘက်နိုင်ငံကို ရှောင်တိမ်းထွက်ပြေးသွားတတ်ပါတယ်။ အခုလည်း အာဏာပိုင်တွေက လိုက်ရှာပေမယ့် မရတော့ပါဘူး” ဟု သူက ဆက်ပြောသည်။
လူနာများ အခြေအနေနှင့် ပတ်သက်ပြီး မောင်တော ဆေးရုံသို့ ဆက်သွယ်မေးမြန်းရာ လူနာများမှာ ယခုအချိန်ထိ ဆေးရုံတွင် ရှိနေသေးကြောင်းနှင့် အသက်အန္တရာယ် စိုးရိမ်စရာ မရှိကြောင်း ပြောကြားသည်။
ရခိုင်ပြည်နယ် မောင်တောမြို့နယ်မှ အသက် ၁၆ နှစ်သာ ရှိသေးသော ရခိုင်အမျိုးသမီးငယ် တစ်ဦးကို ၎င်းဒေသတွင် နေထိုင်သူ အိန္ဒိယ ကသည်း သူပုန်တစ်ဦးက ဇနီးမယားအဖြစ် ခိုးယူ ပေါင်းသင်းသော်လည်း မြန်မာ အာဏာပိုင်များက တစ်စုံတစ်ရာ အရေးယူ ခြင်း မရှိကြောင်း ဒေသခံများက နိရဉ္စရာသို့ ပြောကြားသည်။
မောင်တောမြို့နယ် မြောက်ပိုင်း မင်္ဂလာညွန့် ကျေးရွာနေ (အဘ) ဦးလှမောင်၊ (အမိ) ဒေါ်မမြင့်စိန်တို့၏ သမီး မစန္ဒာသိန်း (၁၆)နှစ်အား ငရံ့ချောင်း ကျေးရွာအနီးတွင် စခန်းချနေထိုင်သော ကသည်း သူပုန် တပ်ဖွဲ့မှ တာနီ (၂၉) နှစ်က ဇနီးမယား အဖြစ် ပေါင်းသင်းရန် မေလ ၇ ရက်နေ့က ခိုးယူသွားခဲ့သည်။
သူမအား ခိုးယူသွားပြီးနောက် အသက် မပြည့်သေး၍ ယခုကဲ့သို့ ဇနီးမယားအဖြစ် သွေးဆောင် ဖျားယောင်း ခိုးယူသွားခြင်းမှာ တရားဥပဒေနှင့် ကိုက်ညီမူ မရှိပါသဖြင့် အရေးယူပေးပါရန် သက်ဆိုင်ရာ မိဘ နှစ်ပါးမှ နစက တပ်ဖွဲ့ဝင်များသို့ တိုင်ကြားခဲ့သည်ဟု ဆိုသည်။ သို့သော်လည်း တစ်စုံတစ်ရာ အရေးယူ ဆောင်ရွက်ပေးခြင်း မရှိကြောင်း ကျေးရွာ လူကြီး တစ်ဦးက ပြောသည်။
” အဲဒီ ခလေးမလေးကို ကသည်း သူပုန်တွေက ခိုးသွားတဲ့ အပေါ် မိဘတွေက မကျေနပ်ဖူး။ ဒါကြောင့် ငရံ့ချောင်း နစက စခန်းကို တိုင်ကြားပါတယ်။ ဒါပေမယ့် နစက အရာရှိတွေက ဒီကိစ္စ အပေါ် ဘာမှ အဆိုးအကောင်း မတုန့်ပြန်ဘူး။ ကသည်းတွေက ပိုက်ဆံကို အိတ်နဲ့ ထမ်းပြီး သွားနေတော့ သူတို့က ကျွန်တော်တို့ ဒေသမှာ လုပ်ချင်တာကို လုပ်လို့ရတယ်။ သူတို့ကို ဘယ်သူမှ မပြောရဲဘူး” ဟု ကျေးရွာ လူကြီးက ပြောသည်။
နစက တပ်ဖွဲ့ဝင်များသို့ တိုင်ကြားသော်လည်း တစ်စုံတစ်ရာ အရေးယူဆောင်ရွက်ပေးခြင်း မရှိသဖြင့် မိခင် ဖြစ်သူမှ သမီးဖြစ်သူ မစန္ဒာသိန်းအား အိမ်သို့ အလည်လာရန် ဖိတ်ခေါ်ရာ မေလ ၁၂ ရက်နေ့က ကသည်း သူပုန် တာနီနှင့် အတူ ဧည့်တက်ရန် လာရောက်ခဲ့သည်ဟု ဆိုသည်။
” သူတို့က ဒီလ ၁၂ ရက်နေ့မှာ မင်္ဂလာညွှန့်မှာ ရှိတဲ့ မိဖအိမ်ကို ဧည့်တက်ဖို့လာပါတယ်။ အဲသလို လာတော့ မိခင် ဖြစ်သူ ဒေါ်မမြင့်စိန်က သမီးဖြစ်သူကို အခန်းထဲမှာ လှောင်ထားပြီး မလွှတ်တော့ဘူး။ တာနီကိုလည်း လက်မခံဘဲ အိမ်ကနေ နှင်လွှတ်လိုက်တယ်။ အဲဒါနဲ့ ပြဿနာတွေ အကြီးအကျယ် ဖြစ်ကြတယ်။ မမြင့်စိန်ကလည်း သူ့သမီးက အသက် ၁၆ နှစ်သာ ရှိသေးတဲ့ အတွက် ဘယ်လိုမှ မပေးစားနိုင်ဘူး။ အားနဲ့ လုပ်ရင် နိုင်ငံတော်ထိ တိုင်မယ် ပြောတော့ ဟိုကလည်း အားမတင်ရဲတော့ဘူး။ နောက်မရတော့ စခန်းကို ပြန်သွားကြတယ်″ ဟု သူက ဆက်ပြောသည်။
မေလ ၁၃ ရက်နေ့တွင် ဒေါ်မမြင့်စိန်မှ သမီးဖြစ်သူကို ရန်ကုန်သို့ ပို့ဆောင်ရန် မင်္ဂလာညွှန့်မှ မောင်တောသို့ ယူဆောင်သွားကြောင်း သိရသည်။ ယခုကဲ့သို့ မစန္ဒာသိန်းအား မောင်တောသို့ ခေါ်ယူသွားပြီး နောက်ပိုင်းတွင် တာနီ အပါအ၀င် ကသည်းသူပုန်များသည် မောင်တောမြို့သို့ ကားဖြင့် လိုက်ပါသွားကြသည်ဟု မျက်မြင်များက ပြောသည်။
သမီး ဖြစ်သူ မစန္ဒာသိန်းအား မိခင် ဖြစ်သူမှ မောင်တောသို့ ခေါ်ယူသွားပြီး နောက်ပိုင်း သူတို့နှင့် ပတ်သက်သော နောက်ဆက်တွဲ သတင်းကို မရရှိသဖြင့် မောင်တောမြို့မှ ရဲတပ်ကြပ် တစ်ဦးကို မေးမြန်းရာသူက ယခုလို ပြောသည်။
” မင်္ဂလာညွှန့်မှာ ဒီလို ပြဿနာ ဖြစ်တယ်ဆိုတာကို ကြားပါတယ်။ ဒါပေမယ့် ဒီကသည်းသူပုန်တွေ ကိစ္စက နိုင်ငံတော်မှ တိုက်ရိုက်ကိုင်တွယ်တဲ့ အတွက် ဒီလို ပြဿနာမျိုးကို ရဲက ကိုင်တွယ်လို့ မရဘူး။ သူတို့ကို နစက တပ်ဖွဲ့ကဘဲ ကိုင်တွယ် ဖြေရှင်းပါလိမ့်မယ်။ ဒီအမူက ကျွန်တော်တို့ မဆိုင်တဲ့ အတွက် အမူနဲ့ ပတ်သက်ပြီး ဘယ်လိုရှိတယ်ဆိုတာ ပြောဆိုလို့ မရပါဘူး” ဟု အမည်မဖေါ်လိုသူ မောင်တောမြို့မစခန်းတွင် တာဝန်ကျနေသူ ရခိုင်အမျိုးသား ရဲတပ်ကြပ်ကြီး တစ်ဦးက ပြောသည်။
မြန်မာ အစိုးရသည် ရခိုင်ပြည်နယ် မောင်တောမြို့နယ် မြောက်ပိုင်း ငရံ့ချောင်း အုပ်စု ဝေလာတောင် အနီးတွင် ကသည်းခေါ် မဏီပူများအား အခြေချနေထိုင်ခွင့်ပြုထားသည်မှာ ဆယ်စုနှစ်နှင့်ချီ ကြာမြှင့်နေပြီ ဖြစ်ပြီး ကသည်း တပ်ဖွဲ့ ၀င်များ၏ အိမ်ခြေမှာလည်း (၂၀) ကျော်ခန့် ရှိကြောင်း ဒေသခံများက ပြောသည်။
ကသည်းသူပုန်တို့တွင် အလုပ်အကိုင် မယ်မယ်ရရ မရှိသော်လည်း ငွေများကို စိတ်ကြိုက်သုံးဖြုန်းနိုင်သုများ ဖြစ်ပြီး နစက တပ်ဖွဲ့ဝင်များကိုလည်း ငွေပေး ပေါင်းထားကြောင်း သိရသည်။ ယခုကဲ့သို့ အမျိုးသမီးများနှင့် သက်ဆိုင်သော ကိစ္စမှာ ယခင်ကလည်း နှစ်ကြိမ် သုံးကြိမ်ခန့် ပေါ်ပေါက် ခဲ့ကြောင်း၊ သို့သော်လည်း အစိုးရတာဝန်ရှိသူများနှင့် ကသည်းသူပုန်များကို ကြောက်သဖြင့် မည်သူ့ကမှ ပြင်ပ မီဒီယာများသို့ ထုတ်ဖေါ် ပြောကြားခြင်း မရှိခဲ့ကြောင်း အဆိုပါ ရပ်ရွာ လူကြီးက ပြောကြားသည်။
ရခိုင်ပြည်နယ် စစ်တွေမြို့ တွင် ဇွန်လ ၃ရက်နေ့က ညက လာရောက် ဆန္ဒပြသော လူအုပ်ကြီးကို ရဲက အကြမ်းဖက် ဖြိုခွဲသဖြင့် အနည်းဆုံး လူ ၇ ဦး ဒဏ်ရာ ရရှိသွားကြောင်း သိရသည်။
ဆန္ဒပြ၍ ဒဏ်ရာရသွားသူ တစ်ဦး (ဓါတ်ပုံ - နိရဉ္စရာ)
ဆန္ဒပြသူ ၃၀၀ ခန့်သည် အမှတ် (၁) ရဲစခန်းရှေ့တွင် ယမန်နေ့ ညဥ့် ၁၁ နာရီ အချိန်ခန့်တွင် စုဝေး ဆန္ဒပြစဉ် ရဲတပ်ဖွဲ့များက အကြမ်းဘက်နှိမ်နင်းခဲ့ခြင်း ဖြစ်ကြောင်း စစ်တွေမှ လူငယ် တစ်ဦးက ပြောသည်။
“ ဆန္ဒပြရတဲ့အကြောင်းက စစ်တွေ နာဇီဈေးကို လေလံရထားတဲ့ မွတ်စလင် အမျိုးသား ဦးခင်မောင်လှက ရခိုင် အားမာန်ကရာတေး အဖွဲ့ကိုငှားပြီးတော့ ဈေးခွန်းကို ပိုကောက်ခိုင်းတယ်။ အဲဒါကိုဈေး သည်တွေက မကျေနပ် ရာကနေ လူထုအုံကြွမူ ဖြစ်ပြီး ပြဿနာ ဖြစ်ရာကနေ ရခိုင်လူငယ် တယောက်ကို ဖမ်းဆီး သွားခဲ့တယ်။ အဲဒါ ဘယ်အဖွဲ့က ဖမ်းဆီးသွားတယ်ဆိုတာကို ချက်ချင်း စစ်ဆေးပေးဖို့ အမှတ် (၁) ရဲစခန်းရှေ့မှာသွား ပြီး ဆန္ဒပြ ကြတာ ဖြစ်ပါတယ်။ အခု ရဲက သေနတ်ပစ်ပြီး ဖြိုခွဲတဲ့ အတွက် တော်တော်များများ ဒဏ်ရာ ရရှိ သွားခဲ့ပါတယ်” ဟုပြောသည်။
ရဲက အကြမ်းဘက် ဖြိ်ုခွဲမူကြောင့် လူ ၇ဦးထက်မနည်း ဒဏ်ရာ ရရှိသွားခဲ့ပြီး တချို့မှာ ဒဏ်ရာပြင်းထန်ကြောင်း သိရသည်။
ရဲစခန်းရှေ့တွင် ဆန္ဒပြနေကြစဉ် ( ဓါတ်ပုံ- နိရဉ္စရာ)
“ တစ်ချို့က ခြေထောက်တွေမှာ ပြင်းထန်စွာ ဒဏ်ရာ ရရှိသွားပါတယ်။ ခြေထောက်တွေကို ဖြတ်ပစ်ရမယ့် အထိ ဒဏ်ရာ ရသူတွေလည်း ရှိပါတယ်။ အခု စစ်တွေပြည်သူ့ဆေးရုံကြီးမှာ ဆေးကုသမှု ခံယူနေကြပါတယ်” ဟု သူက ဆက်ပြောသည်။
ဆန္ဒပြသူများကို အမှတ် (၁) ရဲစခန်းမှ ရဲအဖွဲ့ဝင်များက ညဥ့် ၁၁ နာရီခန့်တွင် မျက်ရည်ယိုဗုံးများဖြင့် စတင် ပစ်ခတ်ခဲ့ပြီး နောက်ပိုင်းတွင် သေနတ်များဖြင့် အဆက်မပြတ် ပစ်ခတ်ခဲ့ကြောင်း သိရသည်။
အဆိုပါ ကိစ္စနှင့် ပတ်သက်ပြီး စစ်တွေပြည်သူ့ ဆေးရုံကြီးကို မေးမြန်းရာ တာဝန်ကျ ပုဂ္ဂိုလ်တဦးက“ ကျွန်တော် ဆေးရုံကို ခုမှရောက်တယ်။ အဲဒီကိစ္စကို မသိဘူး” ဟု ပြောသည်။
စစ်တွေ ဈေးကြီးမှ အမျိုးသမီးတဦးကို မေးကြည့်ရာ “ဒီကိစ္စ ဖြစ်တာတော့ ဟုတ်ပါတယ်။ ဒါပေမဲ့ အသေးစိတ်ကို ကျွန်မမသိ ဘူး။ ဒီနေ့အခြေအနေတော့ အေးဆေးသွားပြီးလို့ မြင်တယ်” ဟုပြောသည်။
 |
| စစ်တွေ မြို့ အမှတ်(၁)ရဲစခန်းရှေ့ မှာ ဆန္ဒပြနေသူများ - ဓါတ်ပုံ (ကိုစန်းလွင်-ဖေ့စ်ဘုတ်) |
Copyright © 201. Metro UI Theme. Designed by: Templateism
